ရှမ်းပြည်နယ်၊ တာချီလိတ်မြို့နယ်၌ ငွေကျပ် ၁၇ ဒသမ ၇၅ သိန်းတန်ဖိုးရှိ မူးယစ်ဆေးဝါးများ ဖမ်းဆီးရမိ

ရှမ်းပြည်နယ်၊ တာချီလိတ်မြို့နယ်၌ ငွေကျပ် ၁၇ ဒသမ ၇၅ သိန်းတန်ဖိုးရှိ မူးယစ်ဆေးဝါးများ ဖမ်းဆီးရမိ

    ၂၀၂၆ ခုနှစ်၊ မေ ၂၁ ရက် မွန်းလွဲ ၁ နာရီတွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ရှမ်းပြည်နယ်၊ တာချီလိတ်မြို့နယ်၊ လွယ်တော်ခမ်းကျေးရွာအနီး တာချီလိတ်-မိုင်းဆတ်သွားလမ်း၌ ကျိုင်းတုံမြို့နယ်၊ ပန်ဝိုင်(အထက်)ကျေးရွာနေ နေမင်းဦး(၄၅)နှစ် မောင်းနှင်ပြီး မိုင်းဖြတ်မြို့နယ်၊ ဘူရှီးကျေးရွာနေ ဘောဇ(၅၆)နှစ် လိုက်ပါလာသော HONDA WAVE i 125 အမျိုးအစား မော်တော်ဆိုင်ကယ်အား ရပ်တန့်စစ်ဆေးရှာဖွေခဲ့ရာ ၎င်းတို့ နှစ်ဦးထံမှ စိတ်ကြွရူးသွပ်ဆေးပြား ၂,၀၀၀ ပြား(တစ်ပြားလျှင် ငွေကျပ် ၆၀၀ နှုန်းဖြင့် ၎င်းဒေသကာလတန်ဖိုး ငွေကျပ် ၁၂ သိန်း)နှင့် ဘိန်းဖြူ ၂၅ ဂရမ်(တစ်ဂရမ်လျှင် ငွေကျပ် ၂၃,၀၀၀ နှုန်းဖြင့် ၎င်းဒေသကာလတန်ဖိုး ငွေကျပ် ၅ ဒသမ ၇၅ သိန်း)တို့အား ဖမ်းဆီးရမိသဖြင့် နေမင်းဦးနှင့် ဘောဇတို့ နှစ်ဦးအား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။