၁၃၈၆ ခုနှစ် မြန်မာနှစ်ဆန်း တစ်ရက်နေ့ အန္တရာယ်ကင်း ပရိတ်တရားတော် ရွတ်ဖတ်ပူဇော်ပွဲအခမ်းအနားနှင့် သက်ကြီးပူဇော်ပွဲ အခမ်းအနားများသို့ ပြည်ထောင်စုဝန်ကြီး ဒေါက်တာစိုးဝင်း တက်ရောက်

၁၃၈၆ ခုနှစ် မြန်မာနှစ်ဆန်း တစ်ရက်နေ့ အန္တရာယ်ကင်း ပရိတ်တရားတော် ရွတ်ဖတ်ပူဇော်ပွဲအခမ်းအနားနှင့် သက်ကြီးပူဇော်ပွဲ အခမ်းအနားများသို့ ပြည်ထောင်စုဝန်ကြီး ဒေါက်တာစိုးဝင်း တက်ရောက်

နေပြည်တော် ဧပြီ ၁၇

၁၃၈၆ ခုနှစ် မြန်မာနှစ်ဆန်းတစ်ရက်နေ့ အန္တရာယ်ကင်းပရိတ်တရားတော် ရွတ်ဖတ်ပူဇော်ပွဲအခမ်းအနားကို ယနေ့နံနက်ပိုင်းတွင်လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန စုပေါင်းအစည်းအဝေးခန်းမ၌ကျင်းပရာ ပြည်ထောင်စုဝန်ကြီး ဒေါက်တာစိုးဝင်းနှင့်ဇနီး၊ ဒုတိယဝန်ကြီး၊ အမြဲတမ်းအတွင်းဝန်၊ ညွှန်ကြားရေ မှူးချုပ်များ၊ ဒုတိယအမြဲတမ်းအတွင်းဝန်၊ ဒုတိယညွှန်ကြားရေးမှူးချုပ်များ၊ အရာထမ်း/ အမှုထမ်းများနှင့် တာဝန်ရှိသူများ တက်ရောက်ကြသည်။

ငါးပါးသီလခံယူဆောက်တည်

အခမ်းအနားတွင် နေပြည်တော်ပျဉ်းမနားမြို့ကိုးခန်းကြီးကျောင်းတိုက် ဦးစီးပဓာနနာယက သဒ္ဓမ္မဇောတိကဓဇ သာသနဓဇဓမ္မာစရိယ ဝိနယဝိဒူဘဒ္ဒန္တအာစိဏ္ဏ မထေရ်မြတ်ထံမှ ငါးပါးသီလခံယူဆောက်တည်ခြင်း၊ အနုမောဒနာတရားနာယူခြင်း၊ ဆရာဒါယကာ ကျောင်းများဖြစ်သော ပျဉ်းမနားမြို့မဟာဝိသုတာရာမတံခွန်တိုင် ကျောင်းတိုက်၊ ကိုးခန်းကြီးကျောင်းတိုက်တို့မှ ဆရာတော်/သံဃာ တော်များထံမှ ပရိတ်တရားနာယူခြင်း၊ ကမ္မဝါစာ တရားနာယူခြင်းတို့ကို ဆောင်ရွက်ကြသည်။

ဆက်လက်၍ ပြည်ထောင်စုဝန်ကြီးနှင့်ဇနီး၊ ဒုတိယဝန်ကြီးနှင့် တာဝန်ရှိသူများက နဝကမ္မအလှူ ငွေနှင့် လှူဖွယ်ပစ္စည်းများ ဆက်ကပ်လှူဒါန်း ကြပြီး ရေစက်သွန်းချအမျှပေးဝေကာ အခမ်းအနား ကို “ ဗုဒ္ဓသာသနံ စိရံတိဋ္ဌတု” သုံးကြိမ်ရွတ်ဆို၍ ရုပ်သိမ်းခဲ့သည်။

ထို့နောက် ၁၃၈၆ ခုနှစ် မြန်မာနှစ်သစ်ကူး သက်ကြီးပူဇော်ပွဲကို ပြည်ထောင်စုနယ်မြေ နေပြည်တော်ကရုဏာကမ္ဘာဘိုးဘွားရိပ်သာ၌ကျင်းပရာ မြန်မာနိုင်ငံသက်ကြီးရွယ်အိုများဆိုင်ရာကော်မတီဥက္ကဋ္ဌ ပြည်ထောင်စုဝန်ကြီး ဒေါက်တာစိုးဝင်းနှင့်ဇနီး၊ နေပြည်တော်ကောင်စီဥက္ကဋ္ဌ ဦးသန်းထွန်းဦးနှင့်ဇနီး၊ ဒုတိယဝန်ကြီးဦးစိုးကြည်၊ နေပြည်တော်ကောင်စီအဖွဲ့ဝင်များ၊ နေပြည်တော်စည်ပင်သာယာရေးကော်မတီဝင်များနှင့် တာဝန်ရှိသူများ တက်ရောက်ကြသည်။

ယခုအခမ်းအနားကိုဘိုးဘွားများ နှစ်သစ်ကူးအခါသမယတွင် စိတ်ပျော်ရွှင်ကြည်နူးချမ်းမြေ့စေရန်ရည်ရွယ်ချက်ဖြင့် ပြုလုပ်ဆောင်ရွက်ခဲ့ခြင်းဖြစ်ပြီး ကရုဏာကမ္ဘာဘိုးဘွားရိပ်သာရှိ အဘိုး ၁၂၅ ဦးနှင့် အဘွား ၅၉ ဦး စုစုပေါင်း ၁၈၄ ဦးတို့အတွက် ပြည်ထောင်စုဝန်ကြီးနှင့်ဇနီး၊ နေပြည်တော်ကောင်စီဥက္ကဋ္ဌနှင့်ဇနီးနှင့် တာဝန်ရှိသူများက အလှူငွေများနှင့် ကန်တော့ပစ္စည်းများ ပေးအပ်လှူဒါန်းကြရာကန်တော့ခံဘိုးဘွားများကိုယ်စား အဘိုးတစ်ဦးက နှစ်သစ်ဆုတောင်း မေတ္တာစကားပြန်လည်ပြောကြားခဲ့ကြောင်း သိရသည်။

သတင်းစဉ်