(၇၈)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသေားအားဖြင့် ဘားအံ-လှိုင်းဘွဲ ကတ္တရာလမ်းဖွင့်
(၇၈)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသေားအားဖြင့် ဘားအံ-လှိုင်းဘွဲ ကတ္တရာလမ်းဖွင့်
Kayin State Government/ ကရင်ပြည်နယ်အစိုးအဖွဲ့ / February 08, 2025
ဘားအံ - ဖေဖော်ဝါရီ (၈)
(၇၈)နှစ်မြောက် ပြည်ထောင်စုနေ့ကိုကြိုဆိုဂုဏ်ပြုသောအားဖြင့် ဘားအံမြို့မှ လှိုင်းဘွဲ့မြို့ကို တိုက်ရိုက် ဆက်သွယ်ထားသော အဓိကလမ်းမကြီးဖြစ်သည့် ဘားအံ-လှိုင်းဘွဲကတ္တရာလမ်းဖွင့်ပွဲကို ဖေဖော်ဝါရီလ ၈ ရက်နေ့ မွန်းလွဲ ၃ နာရီက အဆိုပါလမ်းမုခ်ဦးတည်နေရာ၌ ကျင်းပသည်။
လမ်းဖွင့်ပွဲတွင် ကရင်ပြည်နယ်ဝန်ကြီးချုပ်ဦးစောမြင့်ဦးက ယခုကဲ့သို့ ဒေသဖွံ့ဖြိုးရေးလုပ်ငန်းများ၊ လမ်းတံ တားများအဆင့်မြှင့်တင်ဆောင်ရွက်ပေးနိုင်ခြင်းသည် ဒေသအတွင်းရှိ သက်ဆိုင်ရာတိုင်းရင်းသားလက်နက်ကိုင်အဖွဲ့ အစည်းတာဝန်ရှိသူများ၊ ရပ်မိရပ်ဖများ၊ ဒေသနေတိုင်းရင်းသားပြည်သူများအားလုံး တည်ငြိမ်အေးချမ်းမှုကိုလိုလား၍ ပူးပေါင်းပါဝင်ဆောင်ရွက်ခြင်းကြောင့်ရရှိလာသည့်အသီးအပွင့်များဖြစ်ကြောင်း၊ နယ်မြေတည်ငြိမ်အေးချမ်းမှုမရှိလျင် ယခုကဲ့သို့ ဒေသဖွံ့ဖြိုးရေးလုပ်ငန်းများ အကောင်အထည်ဖော်ဆောင်ရွက်နိုင်မည်မဟုတ်သည့်အတွက် ဒေသခံ တိုင်းရင်းသားပြည်သူများအနေဖြင့် ပြည်ပအားကိုးဘေးပယောဂများ၏စကားကိုနားမထောင်ဘဲ မိမိဒေသဖွံ့ဖြိုးတိုး တက်ရေးကို အမြင်ကျယ်ကျယ်နှင့်ရှုမြင်ပြီး ဒေသတည်ငြိမ်အေးချမ်းရေး သက်ဆိုင်ရာအစိုးရ၊ဌာန၊အဖွဲ့အစည်းများနှင့် အတူ လက်တွဲညီစွာ ပူးပေါင်းပါဝင်ဆောင်ရွက်ပေးကြစေလိုကြောင်း တိုက်တွန်းပြောကြားသည်။
ထို့နောက် ပြည်နယ်လမ်းဦးစီးဌာန ညွှန်ကြားရေးမှူး(မြို့ပြ)ဦးအောင်ညိုက လမ်းဆိုင်ရာအချက်အလက်များ ကို ရှင်းလင်းပြောကြားပြီး ဒေသခံတိုင်းရင်းသားပြည်သူတစ်ဦးက ကျေးဇူးတင်စကားပြန်လည်ပြောကြားကာ ညွှန်ကြားရေးမှူး(မြို့ပြ)က လမ်းဖွင့်ပွဲအထိမ်းအမှတ်အလံငယ်များလက်ရောက်ပေးအပ်သည်။
ယင်းနောက် ပြည်နယ်ဝန်ကြီးချုပ်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်အစိုးရအဖွဲ့ဝင်များ နှင့်တာဝန်ရှိသူများက ဘားအံ-လှိုင်းဘွဲ ကတ္တရာလမ်းအားဖဲကြိုးဖြတ်ဖွင့်လှစ်ပေးကြပြီး လမ်းဖွင့်ပွဲပါဝင်အားဖြည့်ကူ ညီပေးကြသည် ဘင်ခရာ၊ပန်းပွားအဖွဲ့၊ ယဉ်ကျေးမှုအဖွဲ့များနှင့်စုပေါင်းမှတ်တမ်းဓာတ်ပုံများရိုက်ကူး၍ ဂုဏ်ပြုဆုများ ပေးအပ်ချီးမြှင့်ကြကာ လမ်းအားဖြတ်သန်းကြည့်ရှုစစ်ဆေးခဲ့ကြသည်။
ယနေ့ဖွင့်လှစ်သည့်လမ်းသည် ဘားအံမြို့မှ လှိုင်းဘွဲ၊ ပိုင်ကျုံ၊ ရှမ်းရွာသစ်မြို့၊ ရွှေဂွန်း၊ မြိုင်ကြီးငူ၊ ကျုံထော်၊ မဲသဝေါ၊ ပရေကြေတို၊ လေးဝါး စသည့်အထင်ကရနေရာများသို့ သွားရောက်နိုင်ပြီး ထီလုံ-တာပေါင်-ပတ-နဘူး-ကော့ ကရိတ်လမ်းမှတစ်ဆင့်နယ်စပ်ကုန်သွယ်မြို့ဖြစ်သော မြဝတီမြို့သို့သွားရောက်နိုင်ကာ ယခင်က ၁၂ ပေအကျယ် ကတ္တရာလမ်းအဖြစ်တည်ရှိခဲ့ရာမှ အဆင့်ဆင့် အဆင့်မြင်တင်ဆောင်ရွက်ခဲ့ရာ ၂၀၂၃-၂၀၂၄ ဘဏ္ဍာနှစ်ထိ မြေသားတာ ဘောင်ချဲ့ခြင်း၊ လမ်းဝဲ/ယာရေမြောင်းတူးခြင်း၊ (၂၄)ပေအကျယ်ကတ္တရာလမ်းချဲ့ခြင်း၊ (၃၆)ပေအကျယ်ကတ္တရာကွန် ကရစ်လမ်းချဲ့ခြင်း၊ RC တံတားများချဲ့ခြင်းနှင့် RC Box Culvert များတည်ဆောက်ခြင်းတို့ကို အဆင့်မြှင့်တင်ခဲ့ကာ ယခု ၂၀၂၄-၂၀၂၅ ဘဏ္ဍာနှစ်တွင် ပြည်နယ်အစိုးရအဖွဲ့ ငွေလုံးငွေရင်း/သာမန်ရန်ပုံငွေကျပ် ၂၉၉၃ ဒဿမ ၅၀၇ သန်း ဖြင့် ၂၄ ပေအကျယ်ကတ္တရာလမ်းချဲ့ခြင်း ၈ ဒဿမ ၂ ကီလိုမီတာ၊ကျောက်စီရေမြောင်းဆောင်ရွက်ခြင်း ၁၃၅ ဒဿမ ၆ မီတာနှင့် အခြားပြင်ဆင်ထိန်းသိမ်းခြင်းလုပ်ငန်းများထပ်မံဆောင်ရွက်ပြီးစီးဖွင့်လှစ်ပေးခဲ့ပါသည်။
ပုံနှိပ်ခြင်း၊ ထုတ်ဝေခြင်းနှင့် သတင်းအေဂျင်စီလုပ်ငန်းများခွင့်ပြုပေးမှုအခြေအနေ
Posted on May 5, 2026ပြန်ကြားရေးဝန်ကြီးဌာနသည် ပြည်ထောင်စုအစိုးရ၏ သဘောတူညီချက်ဖြင့် ပုံနှိပ်ခြင်းနှင့်ထုတ်ဝေခြင်းလုပ်ငန်း နည်းဥပဒေများကို အမိန့်ကြော်ငြာစာအမှတ် (၄၈/၂၀၁၄)ဖြင့် ၂၀၁၄ ခုနှစ်၊ အောက်တိုဘာလ ၁၀ ရက်နေ့တွင် ထုတ်ပြန်ခဲ့ပြီးနောက် လုပ်ငန်းအသိအမှတ်ပြုလက်မှတ် လျှောက်ထားလာပါက ပုံနှိပ်ခြင်းနှင့်ထုတ်ဝေခြင်းလုပ်ငန်း နည်းဥပဒေများနှင့်အညီစိစစ်၍ လုပ်ငန်းအသိအမှတ်ပြုလက်မှတ်များကို ခွင့်ပြုပေးလျက်ရှိပါသည်။
မြန်မာနိုင်ငံ အမျိုးသားလူ့အခွင့်အရေးကော်မရှင် သတင်းထုတ်ပြန်ချက် အမှတ် (၅ /၂၀၂၆)
Posted on May 1, 2026၁။ ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတသည် ၁၃၈၈ ခုနှစ်၊ ကဆုန်လပြည့်နေ့၊ ၂၀၂၆ ခုနှစ်၊ ဧပြီလ ၃၀ ရက်နေ့ တွင် ကျရောက်သည့် ကဆုန်လပြည့်ဗုဒ္ဓနေ့ အထိမ်းအမှတ်အားဖြင့် လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူသားချင်းစာနာထောက်ထားမှုကို အလေးထားသောအားဖြင့်လည်းကောင်း၊ နိုင်ငံတော်၏မေတ္တာနှင့် စေတနာကို နားလည်စေရန် ရှေးရှုသောအားဖြင့်လည်းကောင်း၊ နိုင်ငံတော်တည်ဆောက်ရေးတွင် ပါဝင်နိုင်စေ ရန်အတွက်လည်းကောင်း၊ နိုင်ငံအချင်းချင်း မိတ်ဝတ်မပျက်ဆက်ဆံရေးကို ရှေးရှု၍လည်းကောင်း၊ နိုင်ငံတော်သမ္မတရုံး အမိန့်အမှတ် (၅၀/၂၀၂၆) ပြစ်ဒဏ်လွတ်ငြိမ်း သက်သာခွင့်အမိန့်ဖြင့် အကျဉ်းသား/ သူတို့ ကျခံရန် ကျန်ရှိသောပြစ်ဒဏ်၏ ခြောက်ပုံတစ်ပုံကို လွတ်ငြိမ်းသက်သာခွင့်ပြုခဲ့ပြီး အမိန့်အမှတ် (၅၁/၂၀၂၆) ပြစ်ဒဏ်လွတ်ငြိမ်းခွင့်အမိန့်ဖြင့် အကျဉ်းသား/သူ ၁၅၀၈ ဦးကို စည်းကမ်းသတ်မှတ်ချက်ဖြင့် ယင်းတို့ကျခံရန် ကျန်ရှိသောပြစ်ဒဏ်များအပေါ် လျှော့ပေါ့၍ ပြစ်ဒဏ်လွတ်ငြိမ်းခွင့်ပြုခဲ့သည့်အပြင် အမိန့်အမှတ် (၅၂/ ၂၀၂၆) ပြစ်ဒဏ်လွတ်ငြိမ်းခွင့်အမိန့်ဖြင့် နိုင်ငံခြားသား အကျဉ်းသား/သူ ၁၁ ဦးကို စည်းကမ်းသတ်မှတ်ချက်ဖြင့် ယင်းတို့ ကျခံရန်ကျန်ရှိသော ပြစ်ဒဏ်များအပေါ် လျှော့ပေါ့၍ ပြစ်ဒဏ်လွတ်ငြိမ်းခွင့်ပြု၍ ပြည်နှင်ဒဏ်ပေးခဲ့ပါသည်။
Myanmar National Human Rights Commission Statement No. (5/2026)
Posted on Apr 30, 2026