ကျောက်တန်းမြို့နယ်အတွင်း ဒေသဖွံ့ဖြိုးရေးလုပ်ငန်းများ ကွင်းဆင်းစစ်ဆေး

ကျောက်တန်းမြို့နယ်အတွင်း ဒေသဖွံ့ဖြိုးရေးလုပ်ငန်းများ ကွင်းဆင်းစစ်ဆေး

ကျောက်တန်းမြို့နယ်အတွင်း ဒေသဖွံ့ဖြိုးရေးလုပ်ငန်းများ ကွင်းဆင်းစစ်ဆေး

‎**********************************

‎ကျောက်တန်း      ဖေဖော်ဝါရီ       ၅

‎‎ရန်ကုန်တိုင်းဒေသကြီး၊ သန်လျင်ခရိုင်၊ ကျောက်တန်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီး ဌာနက ကျေးလက်နေပြည်သူများ၏ လူမှုစီးပွားဘဝ ဖွံ့ဖြိုးတိုးတက်ရေးအတွက် ကျောက်တန်း မြို့နယ်အတွင်း ဒေသဖွံ့ဖြိုးရေးလုပ်ငန်းများ ဆောင်ရွက်နေမှုကို တာဝန်ရှိသူများက ယနေ့နံနက်ပိုင်းက ကွင်းဆင်းစစ်ဆေးခဲ့ကြောင်း သိရသည်။

‎‎ထိုသို့ကွင်းဆင်းစစ်ဆေးရာတွင် သန်လျင်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်အေးအေးကြူ၊ ကျောက်တန်းမြို့နယ်ဦးစီးမှူး ဦးထွန်းဝင်းလတ်နှင့် အင်ဂျင်နီယာ ဝန်ထမ်းများက လုပ်ငန်းအရည်အသွေးစစ်ဆေးရေးအဖွဲ့မှ တာဝန်ရှိသူများ၊ ဒေသခံရပ်မိရပ်ဖများနှင့် အတူ ၂၀၂၅-၂၀၂၆ ဘဏ္ဍာရေးနှစ်တွင် ကန်ပြောင်စံပြကျေးရွာ၌ ပြည်ထောင်စုရန်ပုံငွေကျပ် ၃၉၉ ဒသမ ၄၂၁ သန်းဖြင့် ကုန်ထုတ်လမ်းအရှည် ၆၉၃၀ ပေ အကျယ် ၁၂ ပေ ဒု ၉ လက်မ ဂဝံကျောက် ခင်းခြင်းလုပ်ငန်း ဆောင်ရွက်နေမှုအခြေအနေများကို ကြည့်ရှုစစ်ဆေးသည်။

‎‎ဆက်လက်၍ ခရိုင်ဦးစီးမှူး ဒေါ်အေးအေးကြူနှင့် တာဝန်ရှိသူများက ပါဒကြီးကျေးရွာ၌ ပြည်ထောင်စုရန်ပုံငွေကျပ် ၄၉၇ ဒသမ ၃၄၆ သန်းဖြင့် ကုန်ထုတ်လမ်းအရှည် ပေရှစ်ထောင် အကျယ် ၁၂ ပေ ဒု ၉ လက်မ ဂဝံကျောက်ခင်းခြင်းလုပ်ငန်းများ ဆောင်ရွက်မှုကို ကြည့်ရှုစစ်ဆေးပြီး ခရိုင်ဦးစီးမှူး ဒေါ်အေးအေးကြူက အဆိုပါလုပ်ငန်းများအား တာဝန်ယူဆောင်ရွက်လျက်ရှိသော တင်ဒါရကုမ္ပဏီမှ တာဝန်ခံအား လုပ်ငန်းများအားလုံး စံချိန်စံညွှန်းပြည့်မီစွာဖြင့် သတ်မှတ်ကာလအတွင်း ပြီးစီးအောင် တွန်းအားပေးဆောင်ရွက်ရန် မှာကြားပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ခဲ့ကြောင်း သိရသည်။

‎‎အဆိုပါကုန်ထုတ်လမ်းတံတား တည်ဆောက်ခြင်းလုပ်ငန်းများ ဆောင်ရွက်ပြီးစီးပါက ကန်ပြောင် ကျေးရွာနှင့် ပါဒကြီးကျေးရွာတို့ရှိ လယ်ယာများတွင် စိုက်ပျိုးထားသော ဒေသထွက်ကုန်သီနှံများ ရာသီမရွေး အချိန်နှင့်တပြေးညီ ဈေးကွက်သို့ သယ်ယူပို့ဆောင်နိုင်မည်ဖြစ်၍ ကျေးလက်နေ ပြည်သူများ၏ လူမှုစီးပွားဘဝ ဖွံ့ဖြိုးတိုးတက်လာမည်ဖြစ်ကြောင်း ကျောက်တန်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။