ဂမ်ဘီယာနိုင်ငံနှင့် မြန်မာနိုင်ငံတို့၏ အမှုနှင့်ပတ်သက်၍ ကြားနာပွဲ ပထမရက် စတင်ကျင်းပ

ဂမ်ဘီယာနိုင်ငံနှင့် မြန်မာနိုင်ငံတို့၏ အမှုနှင့်ပတ်သက်၍ ကြားနာပွဲ ပထမရက် စတင်ကျင်းပ

နေပြည်တော် ဇန်နဝါရီ ၁၃

ဂမ်ဘီယာနိုင်ငံနှင့် မြန်မာနိုင်ငံတို့၏ အမှုနှင့်ပတ်သက်၍ ကြားနာပွဲ (Oral Hearing) ကို ဇန်နဝါရီ ၁၂ ရက်မှ ၂၉ ရက်အထိ နယ်သာလန်နိုင်ငံ သည်ဟိဂ်မြို့ရှိ အပြည်ပြည်ဆိုင်ရာတရားရုံး၌ ပြုလုပ်လျက်ရှိသည်။

ကြားနာပွဲ ပထမရက်အဖြစ် ဇန်နဝါရီ ၁၂ ရက် ဒေသစံတော်ချိန် နံနက် ၁၀ နာရီတွင် စတင်ကျင်းပရာ တရားရုံးဥက္ကဋ္ဌ၊ ဒုတိယဥက္ကဋ္ဌ၊ တရားသူကြီး ၁၀ ဦးနှင့် နှစ်ဖက်အမှုသည်များက ခန့်ထားသည့် တရားသူကြီးနှစ်ဦး တက်ရောက်ကြသည်။

ကြားနာပွဲတွင် တရားရုံးဥက္ကဋ္ဌက အဖွင့်မိန့်ခွန်းပြောကြားပြီး ဂမ်ဘီယာနိုင်ငံ၏ ကိုယ်စားလှယ် (Agent) ဖြစ်သူ ရှေ့နေချုပ်နှင့် တရားရေးဝန်ကြီးက ရှင်းလင်းဆွေးနွေးပြောကြားကာ ဂမ်ဘီယာနိုင်ငံ၏ ပထမအကျော့ လျှောက်လဲမှုအဖြစ် ဂမ်ဘီယာနိုင်ငံ၏ ရှေ့နေများက လျှောက်လဲခဲ့ကြကြောင်းနှင့် ဂမ်ဘီယာနိုင်ငံ၏ ပထမအကျော့လျှောက်လဲခြင်းကို ဇန်နဝါရီ ၁၃ ရက် ဒေသစံတော်ချိန် ညနေ ၃ နာရီမှ ညနေ ၆ နာရီအထိ ဆက်လက်ဆောင်ရွက်သွားမည်ဟု သတင်းရရှိသည်။

သတင်းစဉ်