စစ်ကိုင်းတိုင်းဒေသကြီး၊ မုံရွာမြို့နယ်၊ ဒေါနခြံရပ်ကွက်၌ သစ်ပင်လဲကျသဖြင့် ရှင်းလင်းရေးလုပ်ငန်းများ ဆောင်ရွက်မှု

စစ်ကိုင်းတိုင်းဒေသကြီး၊ မုံရွာမြို့နယ်၊ ဒေါနခြံရပ်ကွက်၌ သစ်ပင်လဲကျသဖြင့် ရှင်းလင်းရေးလုပ်ငန်းများ ဆောင်ရွက်မှု

     ၂၀၂၆ ခုနှစ်၊ ဇွန် ၁ ရက် နံနက် ၉ နာရီ ၃၀ မိနစ်ခန့်က စစ်ကိုင်းတိုင်းဒေသကြီး၊ မုံရွာမြို့နယ်၊ ဒေါနခြံရပ်ကွက်၌ မိုးသည်းထန်စွာရွာသွန်းမှုကြောင့် ပိုင်ရှင် ဒေါ်မြင့်မြင့်ဦး(၅၅)နှစ်၏ ၁၄၂ x ၁၃ ပေ၊ နေအိမ်ခြံဝင်းအတွင်းရှိ လုံးပတ် ၁၅ ပေ၊ အမြင့် ၇၀ ပေခန့်ရှိ ကုက္ကိုပင်သည် လဲကျပြီး မော်တော်ယာဉ် နှစ်စီးနှင့် ဆိုင်ကယ် တစ်စီးပေါ်သို့ ပိမိနေကြောင်း သတင်းရရှိသဖြင့် မုံရွာခရိုင်၊ မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် သက်ဆိုင်ရာအဖွဲ့အစည်းများနှင့်ပူးပေါင်း၍ ရှင်းလင်းရေးလုပ်ငန်းများ ဆောင်ရွက်ခဲ့ရာ ညနေ ၄ နာရီ ၃၀ မိနစ်တွင် ပြီးစီးခဲ့ပါသည်။ 

     အဆိုပါ ဖြစ်စဉ်ကြောင့် TOYOTA BELTA မော်တော်ယာဉ်၏ ရှေ့လေကာမှန်ကွဲ၊ NISSAN VANETTE မော်တော်ယာဉ်၏ စတီးအမိုးကိုင်းနှင့် ဘယ်ဘက်ဘော်ဒီ ပျက်စီး၊ HONDA CLICK 125 ဆိုင်ကယ် တစ်စီး ပျက်စီး၊ ဆက်သွယ်ရေးတိုင် နှစ်တိုင် ပျက်စီး၊ အုတ်တံတိုင်း အလျား ၂၀ ပေ ပျက်စီး၊ အလျား ၁၃ ပေ သံပန်းသံတံခါး တစ်ချပ် ပျက်စီးဆုံးရှုံးခဲ့ကြောင်းနှင့် လူထိခိုက်ဒဏ်ရာရရှိမှု မရှိကြောင်း သတင်းရရှိပါသည်။