စစ်ကိုင်းတိုင်းဒေသကြီး၊‌ ရွှေဘိုမြို့နယ်၌ အကြမ်းဖက်သမားများမှ အုပ်ချုပ်ရေးပိုင်းဆိုင်ရာ တာဝန်ရှိသူများနှင့် အပြစ်မဲ့ အရပ်သားပြည်သူများအား ဖမ်းဆီးခေါ်ဆောင်ခြင်းနှင့် ခြိမ်းခြောက်ခြင်းများ ပြုလုပ်

စစ်ကိုင်းတိုင်းဒေသကြီး၊‌ ရွှေဘိုမြို့နယ်၌ အကြမ်းဖက်သမားများမှ အုပ်ချုပ်ရေးပိုင်းဆိုင်ရာ တာဝန်ရှိသူများနှင့် အပြစ်မဲ့ အရပ်သားပြည်သူများအား ဖမ်းဆီးခေါ်ဆောင်ခြင်းနှင့် ခြိမ်းခြောက်ခြင်းများ ပြုလုပ်

     တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အကြမ်းဖက်သမားများမှ ဌာနဆိုင်ရာရုံးများအား တိုက်ခိုက်ဖျက်ဆီးခြင်းများ၊ အုပ်ချုပ်ရေးပိုင်းဆိုင်ရာ တာဝန်ရှိသူများနှင့် အရပ်သားပြည်သူများအား ဖမ်းဆီးခေါ်ဆောင်ခြင်းနှင့် ခြိမ်းခြောက်ခြင်းများ ပြုလုပ်လျက်ရှိပါသည်။

     ထိုသို့လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၉ ရက်တွင် နံနက် ၃ နာရီ ၃၀ မိနစ်တွင် စစ်ကိုင်းတိုင်းဒေသကြီး၊ ရွှေဘိုမြို့နယ်၊ ဆယ်ပင်ကျွန်းကျေးရွာအုပ်စု၊ ဆယ်ပင်ကျွန်းကျေးရွာ၌ PDF အမည်ခံ အကြမ်းဖက်သမား ၁၅၀ ဦးခန့်သည် မန္တလေးတိုင်းဒေသကြီး၊ စဉ့်ကူးမြို့နယ်၊ ခက်သင်ကျေးရွာအုပ်စု၊ ခက်သင်ကျေးရွာမှ စက်လှေများဖြင့် လာရောက်၍ ဆယ်ပင်ကျွန်းကျေးရွာအုပ်စုအုပ်ချုပ်ရေးမှူး ဦးချစ်စိန်၊ ကျေးရွာသူ/သားများနှင့် ကျေးရွာရှိ ပစ္စည်းများအား အကြမ်းဖက်သမားများမှ မန္တလေးတိုင်းဒေသကြီး၊ စဉ့်ကူးမြို့နယ်၊ ခက်သင်ကျေးရွာအုပ်စု၊ ခက်သင်ကျေးရွာသို့ စက်လှေဖြင့် ဖမ်းဆီးခေါ်ဆောင် သွားကြောင်း သတင်းရရှိပါသည်။