ဆီးဂိမ်း ဘိလိယက်နှင့် စနူကာပြိုင်ပွဲ ပြီးဆုံးပြီး မြန်မာအဖွဲ့ ရွှေတစ်ခု၊ ငွေတစ်ခု၊ ကြေးသုံးခု ဆွတ်ခူး

ဆီးဂိမ်း ဘိလိယက်နှင့် စနူကာပြိုင်ပွဲ ပြီးဆုံးပြီး မြန်မာအဖွဲ့ ရွှေတစ်ခု၊ ငွေတစ်ခု၊ ကြေးသုံးခု ဆွတ်ခူး

ရန်ကုန် ဒီဇင်ဘာ ၁၇

(၃၃) ကြိမ်မြောက် ဆီးဂိမ်းပြိုင်ပွဲ၏ ဘိလိယက်နှင့် စနူကာပြိုင်ပွဲ ပြီးဆုံးခဲ့ပြီး မြန်မာဘိလိယက်နှင့် စနူကာအဖွဲ့ ရွှေတံဆိပ်တစ်ခု၊ ငွေတံဆိပ်တစ်ခု၊ ကြေးတံဆိပ် သုံးခု ဆွတ်ခူးရရှိခဲ့သည်။

မြန်မာဘိလိယက် အဖွဲ့သည် ရွှေတံဆိပ်တစ်ခု၊ ငွေတံဆိပ်တစ်ခု၊ မြန်မာစနူကာအဖွဲ့သည် ကြေးတံဆိပ်သုံးခု ရယူနိုင်ခဲ့ခြင်းဖြစ်သည်။ မြန်မာဘိလိယက်အဖွဲ့ အတွက် ရွှေတံဆိပ်ဆုကို ပေါက်စ၊ နေသွေးဦးနှင့် အောင်ဌေးတို့ ပါဝင်သည့်အသင်းက အသင်းလိုက် ပြိုင်ပွဲတွင် ရယူနိုင်ခဲ့ပြီး ငွေတံဆိပ်ဆုကို တစ်ဦးချင်းပြိုင်ပွဲမှ ပေါက်စက ရယူပေးခဲ့သည်။ မြန်မာစနူကာအဖွဲ့အတွက် ကြေးတံဆိပ်သုံးခုကို စနူကာ တစ်ဦးချင်းပြိုင်ပွဲမှ ဘုန်းမြင့်ကျော် (ခ) အားတီက တစ်ခု၊ အသင်းလိုက်ပြိုင်ပွဲတွင်တစ်ခုနှင့် 6 Red တစ်ဦးချင်း ပြိုင်ပွဲတွင် နေမင်းထွန်းက တစ်ခု ရရှိခဲ့ခြင်းဖြစ်သည်။

မြန်မာဘိလိယက်နှင့် စနူကာအဖွဲ့သည် ရွှေတံဆိပ်အပါအဝင် ဆုတံဆိပ်ငါးခုအထိ ရယူနိုင်ခဲ့ သဖြင့် (၃၃) ကြိမ်မြောက် ဆီးဂိမ်းပြိုင်ပွဲတွင် အောင်မြင်မှုရသည့် မြန်မာအားကစား အဖွဲ့အဖြစ်ရပ်တည်နိုင်ခဲ့သည်။

သတင်း-ကိုညီလေး

ဓာတ်ပုံ-MSYA