ဒက္ခိဏသီရိမြို့နယ် လင်းစိန်အထွေထွေစီးပွားရေးသမဝါယမအသင်း(လီမိတက်) ဆီစက်လုပ်ငန်း၏ ဆီကြိတ်ခွဲထုတ်လုပ်မှုအား ကွင်းဆင်းစစ်ဆေးကြည့်ရှု

ဒက္ခိဏသီရိမြို့နယ် လင်းစိန်အထွေထွေစီးပွားရေးသမဝါယမအသင်း(လီမိတက်) ဆီစက်လုပ်ငန်း၏ ဆီကြိတ်ခွဲထုတ်လုပ်မှုအား ကွင်းဆင်းစစ်ဆေးကြည့်ရှု

နေပြည်တော် နိုဝင်ဘာလ ၆

 ပြည်ထောင်စုနယ်မြေ၊ နေပြည်တော်သမဝါယမဦးစီးဌာန၊ ညွှန်ကြားရေးမှူးနှင့်အတူ ဒက္ခိဏသီရိ မြို့နယ်သမဝါယမဦးစီးဌာနမှ တာဝန်ရှိသူများသည် ၎င်းမြို့နယ်အတွင်းရှိ လင်းစိန်အထွေထွေသမဝါယမ အသင်း(လီမိတက်)၏ ဆီစက်လုပ်ငန်း ကြိတ်ခွဲထုတ်လုပ်မှုအား ကွင်းဆင်း ကြည့်ရှုစစ်ဆေးခဲ့သည်။

 ကွင်းဆင်းကြည့်ရှု့စစ်ဆေးစဉ် ညွှန်ကြားရေးမှူး၊ ဒေါ်ဆုယဉ်မြင့်က နိုင်ငံတော်ထောက်ပံ့ငွေ (သက်တန့်ရောင်စီမံကိန်း)ဖြင့် ဆီကြိတ်စက်၊ ဆီစစ်ခုံ၊ မော်တာတို့ကို အသင်းသို့ ပံ့ပိုးပေးထားခြင်း ဖြစ်ကြောင်း၊ လုပ်ငန်းဆောင်ရွက်ရန်အတွက် စာချုပ် ချုပ်ဆိုနိုင်ရေးအမြန်ဆောင်ရွက်ရန် စက်ပစ္စည်း ကိရိယာများ ထောက်ပံ့ပေးအပ်ခြင်းလုပ်ငန်းလက်စွဲစာစောင်ပါအတိုင်း မြို့နယ်အဆင့်လုပ်ငန်းကြီးကြပ်မှု ကော်မတီအနေဖြင့် စာရင်းဇယားများ ပြည့်စုံမှန်ကန်မှုရှိစေရေး သတ်မှတ်ကာလပြည့်သည်အထိ စဉ်ဆက်မပြတ်ကြီးကြပ်သွားရန်လိုအပ်ကြောင်း၊ ဆီစက်လုပ်ငန်းအတွက် လိုအပ်သည့် ဆီထွက်သီးနှံ ကုန်ကြမ်းများရရှိရေးနှင့် ကုန်ချောများ ဖြန့်ဖြူးရောင်းချနိုင်ရေးအတွက်လည်း နေပြည်တော်သမဝါယမ ဦးစီးဌာန၊ မြို့နယ်သမဝါယမဦးစီးဌာနနှင့် အသင်းပေါင်းစပ်ဆောင်ရွက်ပေးမည်ဖြစ်ကြောင်း မှာကြားခဲ့ သည်။

 ဆက်လက်၍ လင်းစိန်အထွေထွေစီးပွားရေးသမဝါယမအသင်းဥက္ကဋ္ဌ ဦးမျိုးမင်းထိုက်က ဆီစက် လုပ်ငန်းအတွက် ဒေသအတွင်း ကုန်ကြမ်းများရရှိရေးနှင့် ဆီကြိတ်ခွဲ ထုတ်လုပ်ဖြန့်ဖြူးရောင်းချနိုင်ရေး များအား တင်ပြဆွေးခဲ့မှုအပေါ် ညွှန်ကြားရေးမှူးမှ လိုအပ်သည်များအား ဖြည့်ဆည်းဆောင်ရွက် ပေးခဲ့ကြောင်း သိရသည်။