နိုင်ငံတော်အစိုးရ၏ ရက်(၁၀၀)စီမံချက်အား လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဟင်္သာတမြို့နယ်ဦးစီးမှူးရုံးက “လမင်းစီမံချက်”ဖြင့် ကျောင်းသား၊ ကျောင်းသူများအား နိုင်ငံသားစိစစ်ရေးကတ်ပြားနှင့် UIDထုတ်ပေးခြင်း အခမ်းအနား

နိုင်ငံတော်အစိုးရ၏ ရက်(၁၀၀)စီမံချက်အား လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဟင်္သာတမြို့နယ်ဦးစီးမှူးရုံးက “လမင်းစီမံချက်”ဖြင့် ကျောင်းသား၊ ကျောင်းသူများအား နိုင်ငံသားစိစစ်ရေးကတ်ပြားနှင့် UIDထုတ်ပေးခြင်း အခမ်းအနား

ပုသိမ် ဇွန် ၁

ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ဟင်္သာတမြို့၊ အမှတ်(၃)အခြေခံပညာအထက်တန်းကျောင်း၊ ပြည်ထောင်စုခန်းမတွင်ပြုလုပ်သည့် နိုင်ငံတော်အစိုးရ၏ ရက်(၁၀၀)စီမံချက်အား လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဟင်္သာတမြို့နယ်ဦးစီးမှူးရုံးက “လမင်းစီမံချက်”ဖြင့် ကျောင်းသား၊ ကျောင်းသူများအား နိုင်ငံသားစိစစ်ရေးကတ်ပြားနှင့် UIDထုတ်ပေးခြင်း အခမ်းအနားသို့ တက်ရောက်ခဲ့ကြသည်။

ဦးစွာ တိုင်းဒေသကြီးဝန်ကြီးချုပ်က “အခြေခံပညာအလယ်တန်းကျောင်းများနှင့် အခြေခံပညာအထက်တန်း ကျောင်းများမှကျောင်းသား/ကျောင်းသူများ၊ အသက် (၁၀)နှစ်ပြည့် နိုင်ငံသားစိစစ်ရေးကတ်ပြား မပြုလုပ်ရသေးသူများအား ကျောင်းစတင် ဖွင့်လှစ်သည့် (၁-၆-၂၀၂၆)ရက်နေ့မှစတင်၍ (၃၁-၇-၂၀၂၆)ရက်နေ့အထိ သက်ဆိုင်ရာကျောင်းများ၊ ဘုန်းတော်ကြီးသင် ပညာရေးကျောင်းများသို့ ရက်(၁၀၀)အတွင်း လမင်းစီမံချက်ဖြင့် ကွင်းဆင်း၍ နိုင်ငံသားစိစစ်ရေးကတ်ပြားများနှင့် UID ကတ်များကို ဆောင်ရွက်ပေးသွားမည်ဖြစ်ပါကြောင်း၊ ယခုကဲ့သို့ ကျောင်းများအထိ လာရောက်ကွင်းဆင်း ဆောင်ရွက်ပေးခြင်းအားဖြင့် ကျောင်းသား/ကျောင်းသူများအနေဖြင့် အချိန်တိုအတွင်း မိမိတို့၏ ပညာသင်ကြားမှုကို နှောင့်နှေးကြန့်ကြာမှုမရှိစေဘဲ နိုင်ငံသားစိစစ်ရေးကတ်ပြားများ လက်ဝယ်ကိုင်ဆောင်ခွင့် ရရှိကြပြီ ဖြစ်ပါကြောင်း" ပြောကြားပြီး ကျောင်းသား၊ ကျောင်းသူများအား နိုင်ငံသားစိစစ်ရေးကတ်ပြားများနှင့် Football for School အစီအစဉ်အရ အခြေခံပညာကျောင်းများသို့ ခွဲဝေပေးသော ဘောလုံးများကို ပေးအပ်ခဲ့သည်။ ယင်းနောက် တိုင်း‌ဒေသကြီးအစိုးရအဖွဲ့ဝင် ဝန်ကြီးများက နိုင်ငံသားစိစစ်ရေးကတ်ပြားများ ဆက်လက်ပေးအပ်ခဲ့ပြီးနောက် တိုင်းဒေသကြီးဝန်ကြီးချုပ်နှင့်တာဝန်ရှိသူများသည် ကျောင်းသား၊ ကျောင်းသူများအား နိုင်ငံသားစိစစ်ရေးကတ်ပြားများပြုလုပ်ပေးနေမှုများကို ကြည့်ရှုအားပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် အဆိုပါ အမှတ်(၃)အခြေခံပညာအထက်တန်းကျောင်းတွင် ကျောင်းသား၊ ကျောင်းသူများ အေးချမ်းစွာ ပညာသင်ကြားနေမှုများနှင့် ကျောင်းစာကြည့်တိုက်တို့အား ကြည့်ရှုအားပေးခဲ့ပြီး ကျောင်းသား၊ ကျောင်းသူလေးများအား ရင်းရင်းနှီးနှီးနှုတ်ဆက်ခဲ့ကာ ကျောင်းစာကြည့်တိုက်အတွက် အလှူငွေများပေးအပ်ခဲ့‌ကြောင်းသိရှိရပါသည်။