ပဲခူးတိုင်းဒေသကြီး၊ ဖြူးမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှုဖြစ်ပွားသဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်မှု

ပဲခူးတိုင်းဒေသကြီး၊ ဖြူးမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှုဖြစ်ပွားသဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်မှု

   ၂၀၂၅ ခုနှစ်၊ နိုဝင်ဘာ ၁၀ ရက် နံနက် ၆ နာရီ ၅၅ မိနစ်ခန့်က ပဲခူးတိုင်းဒေသကြီး၊ ဖြူးမြို့နယ်၊ ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၁၀၁ မိုင် ၇ ဖာလုံ နှင့် ၁၀၂ မိုင်ကြား၌ နေပြည်တော်မှ ရန်ကုန်ဘက်သို့ ယာဉ်မောင်း ဦးဖြိုးမောင်မောင်(၃၂)နှစ် မောင်းနှင်လာသော ယာဉ်အမှတ် YGN-41/6Q-XXXX SUZUKI ERTIGA အမျိုးအစား မော်တော်ယာဉ်သည် ယာဘက် ရှေ့ဘီးပေါက်၍ လမ်းဘေးတွင် ကာရံထားသော Guard Rail အား ဝင်ရောက်တိုက်မိပြီး အရှိန် မထိန်းနိုင်ဘဲ တိမ်းမှောက်မှုဖြစ်ပွားကြောင်း သတင်းရရှိသဖြင့် ၁၁၅ မိုင် အမြန်လမ်းမီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရာ နံနက် ၈ နာရီ ၃၀ မိနစ်တွင် ပြီးစီးခဲ့ပါသည်။

   အဆိုပါဖြစ်စဉ်မှ ယာဉ်အမှတ် YGN-41/6Q-XXXX SUZUKI ERTIGA အမျိုးအစား ယာဉ်ပေါ်ပါ ယာဉ်မောင်း အပါအဝင် အမျိုးသား လေးဦး၊ အမျိုးသမီး နှစ်ဦးအနက် ကလေး(အမျိုးသား)(၇နှစ်) တစ်ဦး သေဆုံးအား ဖြူးမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း၊ SUZUKI ERTIGA အမျိုးအစား မော်တော်ယာဉ်၏ ယာဘက်ခြမ်း ပိန်ချိုင့်၊ ရှေ့လေကာ မှန်ကွဲ၊ ဘန်ပါယာဘက်ခြမ်း ပျက်စီးဆုံးရှုံးခဲ့ပြီး ယာဉ်မောင်း ဖြိုးမောင်မောင် အား ဖြူးအမြန်လမ်းရဲစခန်းမှ အမှုဖွင့်အရေးယူ ထားကြောင်း သတင်းရရှိပါသည်။