ပဲခူးတိုင်းဒေသကြီး၊ ပဲခူးမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှု ဖြစ်ပွား

ပဲခူးတိုင်းဒေသကြီး၊ ပဲခူးမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှု ဖြစ်ပွား

     ၂၀၂၅ ခုနှစ်၊ ဒီဇင်ဘာ ၁၉ ရက်က ပဲခူးတိုင်းဒေသကြီး၊ ပဲခူးမြို့နယ်၊ ရန်ကုန်-မန္တလေး အမြန်လမ်းမကြီး၌ ယာဉ်တိုက်မှုဖြစ်ပွားခဲ့ကြောင်း သိရသည်။

     ဖြစ်စဉ်မှာ ဒီဇင်ဘာ ၁၉ ရက် နံနက် ၁၀ နာရီတွင် ပဲခူးမြို့နယ်၊ ဘောနတ်ကြီးကျေးရွာ၊ ရန်ကုန်-မန္တလေးအမြန်လမ်း၊ မိုင်တိုင်အမှတ် ၃၂ မိုင် ၄ ဖာလုံနှင့် ၅ ဖာလုံကြားတွင် ယာဉ်တိုက်မှု ဖြစ်ပွားကြောင်း သတင်းအရ ဘောနတ်ကြီးအမြန်လမ်းမကြီးရဲစခန်းမှ တပ်ဖွဲ့ဝင်များက သွားရောက် စစ်ဆေးခဲ့ရာ ရန်ကုန်မှ မန္တလေးသို့ ကျိုက်မရောမြို့နယ်၊ တရနာကျေးရွာနေ မင်းဇော်မင်းဦး(၂၇)နှစ် မောင်းနှင်လာသည့် MDY-13၊ 6L/XXXX TOYOTA HIACE ယာဉ်သည် အခင်းဖြစ်နေရာအရောက်၌ စီယာတိုင် လှည့်မရတော့ဘဲ လမ်းယာဘက်ရှိ ကွန်ကရစ်ဘလောက်တုံးနှင့် “Exit” လမ်းညွှန်အမှတ်အသား ဆိုင်းဘုတ်တို့အား ဝင်ရောက်တိုက်မိခဲ့သဖြင့် မင်းဇော်မင်းဦးအား ဘောနတ်ကြီးအမြန်လမ်းမကြီးရဲစခန်း ယာဉ်(ပ)၁၇/၂၀၂၅၊ ရာဇသတ်ကြီးပုဒ်မ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။