ပဲခူးတိုင်းဒေသကြီး၊ မင်းလှမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး ထိခိုက်ဒဏ်ရာရရှိ

ပဲခူးတိုင်းဒေသကြီး၊ မင်းလှမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး ထိခိုက်ဒဏ်ရာရရှိ

      ၂၀၂၆ ခုနှစ်၊ မတ် ၃၁ ရက်က ပဲခူးတိုင်းဒေသကြီး၊ မင်းလှမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး ထိခိုက်ဒဏ်ရာရရှိခဲ့ကြောင်း သိရသည်။
     ဖြစ်စဉ်မှာ မတ် ၃၁ ရက် ညနေ ၅ နာရီ ၃၀ မိနစ်တွင် ပဲခူးတိုင်းဒေသကြီး၊ မင်းလှမြို့နယ်၊ စစ်ကွင်းမြို့၊ အုတ်တွင်းတာဆုံလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ စစ်ကွင်းနယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ အုတ်တွင်းတာဆုံမှ စစ်ကွင်းမြို့ဘက်သို့ ကြို့ပင်ကောက်မြို့နယ်၊ ကြို့ပင်သာရပ်ကွက်နေ ဦးမင်းမင်းသက်(၃၇)နှစ် မောင်းနှင်ပြီး အမျိုးသား သုံးဦး လိုက်ပါလာသည့် YGN-13/6B-XXXX MITSUBISHI CANTER မော်တော်ယာဉ်နှင့် စစ်ကွင်းမြို့၊ ရွှေတောင်တန်းရပ်ကွက်နေ ဦးသန်းစိုးဦး(၄၀)နှစ် မောင်းနှင်လာသော ဆိုင်ကယ်မှာ အခင်းဖြစ်နေရာအရောက်၌ မျက်နှာချင်းဆိုင် တိုက်မိခဲ့သဖြင့် ဦးသန်းစိုးဦးတွင် ထိခိုက်ဒဏ်ရာများ ရရှိခဲ့သောကြောင့် မင်းမင်းသက်နှင့် သန်းစိုးဦးတို့ နှစ်ဦးအား စစ်ကွင်းနယ်မြေရဲစခန်း ယာဉ်(ပ)၃/၂၀၂၆၊ ရာဇသတ်ကြီး ပုဒ်မ ၃၃၈/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။