ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၊ အာဟာရသုခဈေး၌ ဈေးဆိုင်ခန်းများ မီးလောင်မှု

ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၊ အာဟာရသုခဈေး၌ ဈေးဆိုင်ခန်းများ မီးလောင်မှု

      ၂၀၂၆ ခုနှစ်၊ ဖေဖော်ဝါရီ ၂၅ ရက် ည ၈ နာရီ ၄၆ မိနစ်ခန့်က ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၊ ကင်ပွန်းတန်းကျေးရွာရှိ အာဟာရသုခဈေးအတွင်း၌ ဈေးရုံ အမှတ်(ဂ) လျှောက်လမ်းတွင် ထွန်းထားသည့် လုံခြုံရေး(LED)မီးသီး အပူလွန်ကဲရာမှ အနီးရှိ ဆိုင်ခန်းအမှတ်(၇၄)တွင် ပစ္စည်းများအုပ်ထားသည့် မိုးကာပေါ်သို့ မီးပွားကျပြီး မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် နေပြည်တော်အတွင်းရှိ ခရိုင်၊ မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၂၀ စီးဖြင့် မီးငြှိမ်းသတ်ခဲ့ရာ ည ၉ နာရီ ၃၂ မိနစ်တွင် မီးငြိမ်းခဲ့ပါသည်။ 
      အဆိုပါမီးလောင်မှုကြောင့် ၆ x ၆ ပေ၊ သွပ်မိုး၊ မြေစိုက် တစ်ထပ် ဆိုင်ခန်း ၂၄၀ ခန်းနှင့် ဆိုင်ခန်းအတွင်းရှိ ပစ္စည်းများ မီးလောင်ဆုံးရှုံးခဲ့ကြောင်းနှင့် ဆိုင်ခန်းအမှတ်(၇၄)ပိုင်ရှင် ဦးသိန်းဟန် အား ပျဉ်းမနားမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။