ဖြူးမြို့နယ်၌ သမဝါယမကဏ္ဍ ဆောင်းသီးနှံစိုက်ပျိုးထားမှု အခြေအနေများအား တာဝန်ရှိသူများ ကြည့်ရှုစစ်ဆေး

ဖြူးမြို့နယ်၌ သမဝါယမကဏ္ဍ ဆောင်းသီးနှံစိုက်ပျိုးထားမှု အခြေအနေများအား တာဝန်ရှိသူများ ကြည့်ရှုစစ်ဆေး

ဖြူး ဒီဇင်ဘာ ၄

ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်၊ လူငယ့်အားမာန်စိုက်ပျိုးရေးနှင့် လုပ်ငန်းစုံသမဝါယမအသင်းတွင် စီမံကိန်း ​​ဆောင်းသီးနှံစိုက်ပျိုးထားမှု အခြေအနေများကို သမဝါယမဦးစီးဌာန၊ တိုင်းဒေသကြီးဦးစီးမှူးဒေါ်ချောစုလှိုင်နှင့် တာဝန်ရှိသူများ  ကြည့်ရှု စစ်ဆေးခဲ့ကြောင်း သိရသည်။

ထိုသို့ ကြည့်ရှုစစ်ဆေးရာတွင် ဆောင်းသီးနှံ မတ်ပဲ၊ ပဲတီစိမ်း၊ ဆီထွက်သီးနှံ မြေပဲစိုက်ပျိုးရန် မြေပြင်ထားမှုအ​ခြေအနေများနှင့် သမဝါယမအသင်းသား ဦးမောင်ဆန်း စိုက်ပျိုးထားသည့် ဆောင်းသီးနှံ မတ်ပဲစိုက်ခင်းအား ကြည့်ရှုစစ်ဆေးပြီး အထွက်နှုန်းတိုးရေး ပေါင်းစပ်ညှိနှိုင်း ဆောင်ရွက်​ပေးခဲ့ကြောင်း သိရသည်။

လူငယ့်အားမာန်စိုက်ပျိုးရေးနှင့် လုပ်ငန်းစုံသမဝါယမအသင်းအနေဖြင့် ၂၀၂၅-၂၀၂၆ ဘဏ္ဍာနှစ်တွင် သမဝါယမကဏ္ဍမှ ဆောင်းသီးနှံမတ်ပဲ (၃၄၂)ဧက၊ ပဲဒီစိမ်း(၂၀)ဧက၊ ဆောင်းမြေပဲ(၂၀)ဧက၊ ပိုက်ဆံလျှော် မျိုးစေ့ထုတ်(၃၀)ဧကနှင့် နွေစပါး(၁၀၀)ဧကတို့အား သမဝါယမအသင်းအစီအစဉ်ဖြင့် စိုက်ပျိုးသွားမည်ဖြစ်ကြောင်း မြို့နယ်သမဝါယမဦးစီးဌာနမှ သိရသည်။

နေမျိုးလွင်(ပြန်/ဆက်)

ပဲခူးတိုင်းဒေသကြီး