မကွေးတိုင်းဒေသကြီး၊ ပခုက္ကူမြို့နယ်၊ အမှတ်(၄)ရပ်ကွက်၌ ဆိုင်ခန်း မီးလောင်မှု

မကွေးတိုင်းဒေသကြီး၊ ပခုက္ကူမြို့နယ်၊ အမှတ်(၄)ရပ်ကွက်၌ ဆိုင်ခန်း မီးလောင်မှု

     ၂၀၂၆ ခုနှစ်၊ ဧပြီ ၁ ရက် နံနက် ၁၁ နာရီ ၃၅ မိနစ်ခန့်က မကွေးတိုင်းဒေသကြီး၊ ပခုက္ကူမြို့နယ်၊ အမှတ်(၄)ရပ်ကွက်၌ ပိုင်ရှင် ဦးစိုးအောင်(၇၅)နှစ် ပိုင်ဆိုင်သော ဆိုင်ခန်းအငှားဖြစ်သူ ဦးရဲနိုင်အောင်(၃၄)နှစ်၏ ၃၃ x ၄၃ပေ၊ သွပ်မိုး၊ သွပ်ကာ ကုန်စုံဆိုင်တွင် Air Con Safeguard အပူလွန်ကဲရာမှ မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ပခုက္ကူ ခရိုင်၊ မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၁၂ စီးဖြင့် မီးငြှိမ်းသတ်ခဲ့ရာ နံနက် ၁၁ နာရီ ၅၀ မိနစ်တွင် မီးငြိမ်းခဲ့ပါသည်။
    အဆိုပါမီးလောင်မှုကြောင့် ၃၃ x ၄၃ ပေ၊ သွပ်မိုး၊ သွပ်ကာ ဆိုင်ခန်း တစ်ခန်း၊ Air Con တစ်လုံး၊ ကုန်စုံပစ္စည်းများ မီးလောင်ဆုံးရှုံးခဲ့ကြောင်းနှင့် ဆိုင်ခန်းအငှားဖြစ်သူ ဦးရဲနိုင်အောင် အား ပခုက္ကူမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။