မကွေးတိုင်းဒေသကြီး၊ စလင်းမြို့နယ်၊ မြင်တင်ရပ်ကွက်၌ မိုးသည်းထန်စွာရွာသွန်းမှုကြောင့် သစ်ပင်လဲကျသဖြင့် ရှင်းလင်းရေးလုပ်ငန်းများ ဆောင်ရွက်မှု

မကွေးတိုင်းဒေသကြီး၊ စလင်းမြို့နယ်၊ မြင်တင်ရပ်ကွက်၌ မိုးသည်းထန်စွာရွာသွန်းမှုကြောင့် သစ်ပင်လဲကျသဖြင့် ရှင်းလင်းရေးလုပ်ငန်းများ ဆောင်ရွက်မှု

     ၂၀၂၆ ခုနှစ်၊ မေ ၃၁ ရက် မွန်းလွဲ ၂ နာရီခန့်က မကွေးတိုင်းဒေသကြီး၊ စလင်းမြို့နယ်၌ မိုးသည်းထန်စွာရွာသွန်းမှုကြောင့် မြင်တင်ရပ်ကွက်၊ စလင်း-ဆင်ဖြူကျွန်းလမ်းဘေးတွင် လုံးပတ် ၈ ပေ၊ အမြင့် ၃၅ ပေခန့်ရှိ ကုက္ကိုပင် လဲကျနေကြောင်း သတင်းရရှိသဖြင့် စလင်းမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှင်းလင်းရေးလုပ်ငန်းများ ဆောင်ရွက်ခဲ့ရာ မွန်းလွဲ ၃ နာရီ ၃၀ မိနစ်တွင် ပြီးစီးခဲ့ပြီး အဆိုပါဖြစ်စဉ်ကြောင့် ဆက်သွယ်ရေးတိုင် တစ်တိုင် ပျက်စီးဆုံးရှုံးခဲ့ကြောင်းနှင့် လူထိခိုက်ဒဏ်ရာရရှိမှု မရှိကြောင်း သတင်းရရှိပါသည်။