မွန်ပြည်နယ်၊ ပေါင်မြို့နယ်၊ ဥတ္တတားကျေးရွာ၌ နေအိမ် မီးလောင်မှု 

မွန်ပြည်နယ်၊ ပေါင်မြို့နယ်၊ ဥတ္တတားကျေးရွာ၌ နေအိမ် မီးလောင်မှု 

     ၂၀၂၅ ခုနှစ်၊ နိုဝင်ဘာ ၂၇ ရက် နံနက် ၇ နာရီ ၄၅ မိနစ်ခန့်က မွန်ပြည်နယ်၊ ပေါင်မြို့နယ်၊ ဥတ္တတားကျေးရွာ၌ ပိုင်ရှင် ဒေါ်သန်းဌေး(၅၈)နှစ်၏ ၁၅ x ၂၀ ပေ၊ သွပ်မိုး၊ အုတ်ညှပ်၊ ပျဉ်ခင်း နှစ်ထပ် နေအိမ်တွင် Digital မီးဖိုဖြင့် ရေနွေးအိုးတည်ထားရာမှ အပူလွန်ကဲပြီး အောက်ရှိ သစ်သားစားပွဲသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ပေါင်မြို့နယ်မီးသတ်စခန်းများမှ မီးသတ် တပ်ဖွဲ့ဝင်များသည် မီးသတ်ယာဉ် လေးစီးဖြင့် မီးငြှိမ်းသတ်ခဲ့ရာ နံနက် ၈ နာရီ ၈ မိနစ်တွင် မီးငြိမ်း ခဲ့ပါသည်။      အဆိုပါမီးလောင်မှုကြောင့် ၁၅ x ၂၀ ပေ၊ သွပ်မိုး၊ အုတ်ညှပ်၊ ပျဉ်ခင်း နှစ်ထပ် နေအိမ် တစ်လုံး မီးလောင်ဆုံးရှုံးခဲ့ကြောင်း၊ ပိုင်ရှင် ဒေါ်သန်းဌေး မီးလောင်ဒဏ်ရာ(မစိုးရိမ်ရ)အား ပေါင်မြို့နယ် ပြည်သူ့ဆေးရုံသို့ ပို့ဆောင်ပေးခဲ့ကြောင်းနှင့် ဒေါ်သန်းဌေး အား ဇင်းကျိုက်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။