မွန်ပြည်နယ်၊ ဘီးလင်းမြို့နယ်၊ ရန်ကုန်-မော်လမြိုင်ကားလမ်း မိုင်တိုင်အမှတ် ၁၂၁ မိုင် ၂ ဖာလုံနှင့် ၃ ဖာလုံကြား၌ မော်တော်ယာဉ် တိမ်းမှောက်မှု 

မွန်ပြည်နယ်၊ ဘီးလင်းမြို့နယ်၊ ရန်ကုန်-မော်လမြိုင်ကားလမ်း မိုင်တိုင်အမှတ် ၁၂၁ မိုင် ၂ ဖာလုံနှင့် ၃ ဖာလုံကြား၌ မော်တော်ယာဉ် တိမ်းမှောက်မှု 

      ၂၀၂၆ ခုနှစ်၊ ဇန်နဝါရီ ၉ ရက် နံနက် ၇ နာရီ ၃၀ မိနစ်ခန့်က  မွန်ပြည်နယ်၊ ဘီးလင်းမြို့နယ်၊ ရန်ကုန်-မော်လမြိုင်ကားလမ်း မိုင်တိုင်အမှတ် ၁၂၁ မိုင် ၂ ဖာလုံနှင့် ၃ ဖာလုံကြား၌ ဘီးလင်းမြို့မှ ကျိုက်ထိုမြို့ဘက်သို့ ယာဉ်မောင်း ဦးပိုင်ရဲဦး(၂၆)နှစ် မောင်းနှင်သော ယာဉ်အမှတ် MDY-12/ 3B-XXXX NISSAN CONDOR အမျိုးအစား ခြောက်ဘီး ကုန်တင်မော်တော်ယာဉ်သည် အရှိန်မထိန်းနိုင်ဘဲ လမ်းယာဘက်ခြမ်းသို့ တိမ်းမှောက်မှုဖြစ်ပွားပြီး ယာဉ်ခေါင်းခန်းအတွင်း ယာဉ်မောင်းညပ်၍ သေဆုံးနေကြောင်း သတင်းရရှိသဖြင့် ဘီးလင်းမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရာ နံနက် ၇ နာရီ ၅၀ မိနစ်တွင် ပြီးစီးခဲ့ပါသည်။ 
      အဆိုပါဖြစ်စဉ်ကြောင့်  မော်တော်ယာဉ်၏ ခေါင်းပိုင်းကြေမွ ပျက်စီး၊ ယာဘက်ခြမ်းပိန်ချိုင့် ပျက်စီးခဲ့ပြီး ယာဉ်မောင်း အမျိုးသား(သေဆုံး)အား ဘီးလင်းမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်းနှင့် ယာဉ်မောင်း ပိုင်ရဲဦး အား ဘီးလင်းမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။