ရန်ကုန်တိုင်းဒေသကြီး၊ သန်လျင်မြို့နယ်၌ ယာဉ်တိုက်မှုဖြစ်ပွား၍ အမျိုးသမီး နှစ်ဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ သန်လျင်မြို့နယ်၌ ယာဉ်တိုက်မှုဖြစ်ပွား၍ အမျိုးသမီး နှစ်ဦး ထိခိုက်ဒဏ်ရာရရှိ

    ၂၀၂၅ ခုနှစ်၊ ဒီဇင်ဘာ ၁၃ ရက်က ရန်ကုန်တိုင်းဒေသကြီး၊ သန်လျင်မြို့နယ်၌ ယာဉ်တိုက်မှု ဖြစ်ပွား၍ အမျိုးသမီး နှစ်ဦး ထိခိုက်ဒဏ်ရာရရှိခဲ့ကြောင်း သိရသည်။
    ဖြစ်စဉ်မှာ ဒီဇင်ဘာ ၁၃ ရက် ည ၁၀ နာရီ ၄၀ မိနစ်တွင် ရန်ကုန်တိုင်းဒေသကြီး၊ သန်လျင်မြို့နယ်၊ ခြောက်လမ်းသွားလမ်းဆုံ၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၅၉) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ ခြောက်လမ်းသွားလမ်းအတိုင်း မြောက်မှ တောင်သို့ ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၊ အမှတ်(၁၄) ရပ်ကွက်နေ ရှိုင်းမောင်မောင်(၂၉)နှစ် မောင်းနှင်လာသည့် YGN-6/9R-XXXX FUSO TRACTOR HEAD မော်တော်ယာဉ်သည် သန်လျင်-သုံးခွလမ်းအတိုင်း အရှေ့မှ အနောက်သို့ သင်္ဃန်းကျွန်းမြို့နယ်၊ အမှတ်(၁)ရပ်ကွက်နေ လှကြည်(၅၀)နှစ် မောင်းနှင်လာသည့် YGN-13/FF-XXXX TOYOTA COROLLA FIELDER မော်တော်ယာဉ်အား ခြောက်လမ်းသွားလမ်းဆုံ၌ တိုက်မိခဲ့သဖြင့် TOYOTA COROLLA FIELDER ယာဉ်ပေါ်စီးနင်းလာသည့် သန်လျင်မြို့နယ်၊ ပဲခူးစုရပ်ကွက်နေသူများဖြစ်ကြသည့် ဒေါ်မြင့်မြင့်အေး(၅၆)နှစ်နှင့် မဖြူဖြူသီ(၂၉)နှစ်တို့တွင် ထိခိုက်ဒဏ်ရာများ အသီးသီးရရှိခဲ့သောကြောင့် ရှိုင်းမောင်မောင်နှင့် လှကြည်တို့ နှစ်ဦးအား သန်လျင်မြို့မရဲစခန်း ယာဉ်(ပ)၄၁/၂၀၂၅၊ ရာဇသတ်ကြီး ပုဒ်မ ၃၃၈/ ၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။