ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၁)ရပ်ကွက်၌ ကားအင်ဂျင်ဆိုင် အဆောက်အအုံ မီးလောင်မှု

ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၁)ရပ်ကွက်၌ ကားအင်ဂျင်ဆိုင် အဆောက်အအုံ မီးလောင်မှု

     ၂၀၂၅ ခုနှစ်၊ ဒီဇင်ဘာ ၁၅ ရက် နံနက် ၅ နာရီ ၄၃ မိနစ်ခန့်က ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၁)ရပ်ကွက်၌ ပိုင်ရှင် ဦးတင်ငွေ၏ ၁၀ x ၆၀ ပေ၊ သွပ် မိုး၊ အုတ်ညှပ်၊ Steel Structure နှစ်ထပ် ကားအင်ဂျင်ဆိုင် အဆောက်အအုံအောက်ထပ်တွင် ရေခဲသေတ္တာ Safeguard အပူလွန်ကဲပြီး မီးပွားထွက်ရာမှ သတင်းစာစက္ကူများအား မီးကူးစက်လောင်ကျွမ်းမှု ဖြစ်ပွားကြောင်း သတင်းရရှိသဖြင့် ရန်ကုန်တိုင်းဒေသကြီးအတွင်းရှိ မီးသတ်စခန်းများမှ မီးသတ် တပ်ဖွဲ့ဝင်များသည် မီးသတ်ယာဉ် ၁၈ စီးဖြင့် မီးငြှိမ်းသတ်ခဲ့ရာ နံနက် ၆ နာရီ ၁၇ မိနစ်တွင် မီးငြိမ်း ခဲ့ပါသည်။ 

     အဆိုပါမီးလောင်မှုကြောင့် ၁၀ x ၆၀ ပေ၊ သွပ်မိုး၊ အုတ်ညှပ်၊ Steel Structure နှစ်ထပ် ကားအင်ဂျင်ဆိုင် အဆောက်အအုံအပေါ်ထပ် ၁၀ x ၂၀ ပေ၊ ကားရေတိုင်ကီအဟာင်းများ၊ ကားအင်ဂျင် အဟောင်းများ၊ အင်ဂျင်ဝိုင်အဟောင်းများ၊ ရေခဲသေတ္တာ တစ်လုံး၊ Air Cooler တစ်လုံး၊ ဟီးနိုးကားခေါင်း အဟောင်း လေးလုံး၊ ကားဘန်ဘာအဟောင်းများ မီးလောင်ဆုံးရှုံးခဲ့ကြောင်းနှင့် ညစောင့် ကျော်မင်းသန်း အား ဘုရင့်နောင်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။