ရန်ကုန်တိုင်းဒေသကြီး၊ တိုက်ကြီးမြို့နယ်၊ လသာကုန်းကျေးရွာ၌ စားသောက်ဆိုင် မီးလောင်မှု

ရန်ကုန်တိုင်းဒေသကြီး၊ တိုက်ကြီးမြို့နယ်၊ လသာကုန်းကျေးရွာ၌ စားသောက်ဆိုင် မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၃ ရက် နံနက် ၁၀ နာရီ ၂၉ မိနစ်ခန့်က ရန်ကုန်တိုင်းဒေသကြီး၊ တိုက်ကြီးမြို့နယ်၊ လသာကုန်းကျေးရွာ၌ ပိုင်ရှင် ဒေါ်ဝေဝေဖူး(၃၄)နှစ်၏ ၃၅ x ၉၀ ပေ၊ သွပ်မိုး၊ RC နှစ်ထပ် “Cheer” စားသောက်ဆိုင်အပေါ်ထပ်ရှိ ၁၂ x ၁၂ ပေ အခန်းအတွင်း သွယ်တန်းထားသော လျှပ်စစ်ဝိုင်ယာကြိုးမှ အပူလွန်ကဲပြီး မီးပွားထွက်ကာ အောက်ရှိ ဆိုဖာပေါ်သို့ မီးပွားကျ၍ မီးကူးစက် လောင်ကျွမ်းမှုဖြစ်ပွားကြောင်း သတင်းရရှိသဖြင့် တိုက်ကြီးမြို့နယ်မီးသတ်စခန်းမှ မီးသတ်တပ်ဖွဲ့ဝင် များသည် မီး သတ်ယာဉ် ၁၀ စီးဖြင့် မီးငြှိမ်းသတ်ခဲ့ရာ နံနက် ၁၀ နာရီ ၅၉ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၁၂ x ၁၂ ပေ အခန်းအတွင်းရှိ ဆိုဖာ တစ်စုံ၊ Air-Con တစ်လုံး၊ နံရံကပ် ဖော့များ၊ မီးသီးများ၊ ဝိုင်ယာကြိုးများ၊ ဆောင်းဘောက် နှစ်လုံး၊ ၃၂ လက်မ TV တစ်လုံးနှင့် မျက်နှာကြက် အနည်းငယ် မီးလောင်ဆုံးရှုံးခဲ့ကြောင်းနှင့် စားသောက်ဆိုင်အလုပ်သမား သန့်ဇင်လင်း အား တိုက်ကြီးမြို့မရဲစခန်းမှ အမှုဖွင့်အ ရေးယူထားကြောင်း သတင်းရရှိပါသည်။