ရန်ကုန်တိုင်းဒေသကြီး၊ ရွှေပြည်သာမြို့နယ်၊ ဝါးတစ်ရာစက်မှုဇုန်၌ မီးလောင်မှု

ရန်ကုန်တိုင်းဒေသကြီး၊ ရွှေပြည်သာမြို့နယ်၊ ဝါးတစ်ရာစက်မှုဇုန်၌ မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၂၆ ရက် နံနက် ၁၁ နာရီ ၅၅ မိနစ်ခန့်က ရန်ကုန်တိုင်းဒေသကြီး၊ ရွှေပြည်သာမြို့နယ်၊ ဝါးတစ်ရာစက်မှုဇုန်၌ ပိုင်ရှင် Mr.Xie Jiong Yi ၏ ၅၀၀ x ၆၀၀ ပေ၊ သွပ်မိုး၊ Steel Structure တစ်ထပ် HANGTAI ဖော့စက်ရုံဝင်းအတွင်း မွေ့ယာတွင် အသုံးပြုသော စွန့်ပစ်ဖော့စများ ၁၀၀ x ၁၀၀ ပေခန့် စုပုံထားရာမှ  အောင်းပူဖြစ်ကာ အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ရန်ကုန်တိုင်းဒေသကြီးအတွင်းရှိ မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၃၀ စီးဖြင့် မီးငြှိမ်းသတ်ခဲ့ရာ မွန်းလွဲ ၁၂ နာရီ ၄၈ မိနစ်တွင် မီးငြိမ်းခဲ့ပါသည်။ 
     အဆိုပါမီးလောင်မှုကြောင့် စွန့်ပစ်ဖော့စများ ၁၀ တန် မီးလောင်ဆုံးရှုံးခဲ့ကြောင်းနှင့် စက်ရုံတာဝန်ခံ ဒေါ်နီလာချစ်စု အား ရွှေပြည်သာမြို့နယ်၊ လှော်ကားနယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။