ရန်ကုန်တိုင်းဒေသကြီး၊ သန်လျင်မြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသမီး ၁၁ ဦးနှင့် အမျိုးသား ၉ ဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ သန်လျင်မြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသမီး ၁၁ ဦးနှင့် အမျိုးသား ၉ ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မတ် ၂၁ ရက်က ရန်ကုန်တိုင်းဒေသကြီး၊ သန်လျင်မြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသမီး ၁၁ ဦးနှင့် အမျိုးသား ၉ ဦးတို့ ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ မတ် ၂၁ ရက် နံနက် ၂ နာရီ ၅၀ မိနစ်တွင် ရန်ကုန်တိုင်းဒေသကြီး၊ သန်လျင်မြို့နယ်၊ သန်လျင်-သုံးခွသွားကားလမ်း၌ ယာဉ်တိမ်းမှောက်မှုဖြစ်ပွားကြောင်း သတင်းအရ အမှတ်(၅၉) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ သန်လျင်-သုံးခွလမ်းအတိုင်း အနောက်မှ အရှေ့သို့ သုံးခွမြို့နယ်၊ ဘုရားကြီးကျေးရွာနေ ဝင်းသူရလွင်(၂၃)နှစ် မောင်းနှင်လာသော BGO-11/9N-XXXX HYUNDAI အမျိုးအစား ဖယ်ရီ(ကြို/ပို့) မော်တော်ယာဉ်သည် ရန်ကုန်အရှေ့ပိုင်းတက္ကသိုလ်(တာဝ)ရှေ့အရောက်၌ အရှိန်မထိန်းနိုင်ဘဲ တိမ်းမှောက်သွားခဲ့သဖြင့် ဝင်းသူရလွင်နှင့် ယာဉ်ပေါ်လိုက်ပါလာသော အထည်ချုပ်စက်ရုံလုပ်သား များဖြစ်သည့် တစ်ရွာတည်းနေ ဇွဲနိုင်ဝင်း(၁၇)နှစ်ပါ အမျိုးသား ၈ ဦး၊ အမျိုးသမီး ၁၁ ဦးတို့တွင် ထိခိုက်ဒဏ်ရာများ အသီးသီး ရရှိခဲ့သောကြောင့် ဝင်းသူရလွင် အား သန်လျင်မြို့မရဲစခန်း ယာဉ်(ပ)၁၀/၂၀၂၆၊ ရာဇသတ်ကြီးပုဒ်မ ၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။