ရန်ကုန်တိုင်းဒေသကြီး၊ လှိုင်မြို့နယ်၊ (၇)ရပ်ကွက်၌ တိုက်ခန်း မီးလောင်မှု

ရန်ကုန်တိုင်းဒေသကြီး၊ လှိုင်မြို့နယ်၊ (၇)ရပ်ကွက်၌ တိုက်ခန်း မီးလောင်မှု

    ၂၀၂၆ ခုနှစ်၊ မတ် ၃၁ ရက် မွန်းလွဲ ၃ နာရီ ၈ မိနစ်ခန့်က ရန်ကုန်တိုင်းဒေသကြီး၊ လှိုင်မြို့နယ်၊ (၇)ရပ်ကွက်၊ ကျောင်းကုန်း(၃)လမ်း၊ တိုက်အမှတ်(၈၄၂)၊ RCC နှစ်ခန်းတွဲ ခြောက်ထပ်တိုက်၌ ပိုင်ရှင် ဒေါ်စမ်းစိမ့်အေး(၄၅)နှစ်၏  ၁၂ x ၅၀ ပေ၊ ဒုတိယထပ်(ဘယ်ဘက်)အခန်းတွင် ရေခဲသေတ္တာ Safe Guard အပူလွန်ကဲရာမှတစ်ဆင့် မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် လှိုင်မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် မီးငြှိမ်းသတ်ခဲ့ရာ မွန်းလွဲ ၃ နာရီ ၂၆ မိနစ်တွင် မီးငြိမ်းခဲ့ပါသည်။
    အဆိုပါ မီးလောင်မှုကြောင့် ရေခဲသေတ္တာ တစ်လုံး၊ အဝတ်လျှော်စက် တစ်လုံး၊ ပန်းကန်စင် တစ်ခု မီးလောင်ဆုံးရှုံးခဲ့ကြောင်းနှင့် ဒေါ်စမ်းစိမ့်အေး အား လှိုင်မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။