ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၁၀)ရပ်ကွက်၊ ရေဖြူလမ်းတွင် နေအိမ်မီးလောင်မှု

ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၁၀)ရပ်ကွက်၊ ရေဖြူလမ်းတွင် နေအိမ်မီးလောင်မှု

     ၂၀၂၆ ခုနှစ်၊ မေ ၅ ရက် နံနက် ၇ နာရီ ၄၀ မိနစ်ခန့်က ရန်ကုန်တိုင်းဒေသကြီး၊ ရွှေပြည်သာ မြို့နယ်၊ အမှတ်(၁၀)ရပ်ကွက်၊ ရေဖြူလမ်းတွင် ပိုင်ရှင် ဒေါ်ခင်စောသန်း (၄၂)နှစ်၏ ၂၀ x ၆၀ ပေ၊ သွပ်မိုး၊ ပျဉ်ကာ၊ ပျဉ်ခင်းနှစ်ထပ်နေအိမ်တွင် ဂိမ်းစက်ဖြင့်တွဲသုံးသော ကွန်ပျူတာ System ပုံး အပူလွန်ကဲပြီး မီးပွားထွက်ရာမှ အနီးရှိအိပ်ယာသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ရန်ကုန်တိုင်းဒေသကြီးအတွင်းရှိ မီးသတ်စခန်းများမှ မီးသတ်တပ်ဖွဲ့ဝင်များသည် မီးငြှိမ်းသတ်ယာဉ် ၁၆ စီးဖြင့် သွားရောက်ငြှိမ်းသတ်ခဲ့ရာ နံနက် ၈ နာရီ ၅ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၂၀ x ၆၀ ပေ၊ သွပ်မိုး၊ ပျဉ်ကာ၊ ပျဉ်ခင်းနှစ်ထပ်နေအိမ် တစ်လုံး၊ ၁၀ x ၁၀ ပေ၊ သွပ်မိုး၊ ပျဉ်ကာ၊ ပျဉ်ခင်းနှစ်ထပ်နေအိမ် နှစ်လုံး၊ စုစု ပေါင်း နေအိမ် သုံးလုံး မီးလောင် ဆုံးရှုံးခဲ့ကြောင်းနှင့် ဒေါ်ခင်စောသန်းအား ရွှေပြည်သာမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။