ရှမ်းပြည်နယ်၊ ကလောမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးပြီး တစ်ဦး ဒဏ်ရာရရှိ

ရှမ်းပြည်နယ်၊ ကလောမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးပြီး တစ်ဦး ဒဏ်ရာရရှိ

     ၂၀၂၅ ခုနှစ်၊ ဒီဇင်ဘာ ၂၁ ရက်က ရှမ်းပြည်နယ်၊ ကလောမြို့နယ်၌ ယာဉ်တိုက်မှု ဖြစ်ပွား၍ အမျိုးသား တစ်ဦး သေဆုံးပြီး တစ်ဦး ဒဏ်ရာရရှိခဲ့ကြောင်း သိရသည်။ 

     ဖြစ်စဉ်မှာ ဒီဇင်ဘာ ၂၁ ရက် ညနေ ၄ နာရီ ၃၀ မိနစ်တွင် ကလောမြို့နယ်၊ ဟဲဟိုးမြို့၊ အောင်ပန်း-ရွှေညောင်သွား ပြည်ထောင်စုကားလမ်းမကြီး မိုင်တိုင်အမှတ် ၉၃ မိုင် ၄ ဖာလုံနှင့် ၅ ဖာလုံ ကြား၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၁၁၇)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင် များက သက်သေများနှင့်အတူ သွားရောက်စစ်ဆေးခဲ့ရာ အောင်ပန်းမြို့မှ ရွှေညောင်မြို့သို့ တောင်ကြီးမြို့နယ်၊ ထီဗွာကျေးရွာနေ ကိုလှဝင်း(၂၅)နှစ် မောင်းနှင်ပြီး ဟိုပုံးမြို့နယ်၊ ဖက်ရမ်းကျေးရွာနေ ဦးခွန်လှိုင်(၆၀)နှစ် လိုက်ပါလာသည့် SHN-18/7D-XXXX TOYOTA HILUX SURF ယာဉ်သည် အခင်းဖြစ် နေရာအရောက် အရှိန်မထိန်းနိုင်ဘဲ တစ်ဘက်ယာဉ်ကြောသို့ ရောက်ရှိကာ မျက်နှာချင်းဆိုင်မှ ပခုက္ကူမြို့နယ်၊ ကိုင်းစံပြကျေးရွာနေ ဦးဖြိုးကို(၂၉)နှစ် မောင်းနှင်ပြီး တစ်ရွာတည်းနေ ဒေါ်မာမာဌေး (၂၉)နှစ် လိုက်ပါလာသည့် MDY-12/3F-XXXX MITSUBISHI FUSO ၂၂ ဘီး မော်တော်ယာဉ်အား ဝင်ရောက်တိုက်မိခဲ့သဖြင့် ဦးခွန်လှိုင်တွင် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး ကိုလှဝင်းတွင် ဒဏ်ရာများ ရရှိခဲ့သောကြောင့် လှဝင်း အား ဟဲဟိုးနယ်မြေရဲစခန်း ယာဉ်(ပ)၂၃/၂၀၂၅၊ ရာဇသတ်ကြီးပုဒ်မ ၃၀၄-က/ ၃၃၇/ ၂၇၉ ဖြင့် အမှုဖွင့် အရေးယူထားကြောင်း သတင်းရရှိသည်။