ရှမ်းပြည်နယ်၊ တောင်ကြီးမြို့နယ်၌ လမ်းဦးစီးဌာန၏ ၂၀၂၅ - ၂၀၂၆ ဘဏ္ဍာရေးနှစ်၊ ပြည်နယ်ရန်ပုံငွေဖြင့် လမ်းမြေသား တိုးချဲ့ပြုပြင်ခြင်းနှင့် မြေသားတာပေါင် တိုးချဲ့ခြင်းလုပ်ငန်းများအား ကွင်းဆင်းစစ်ဆေး

ရှမ်းပြည်နယ်၊ တောင်ကြီးမြို့နယ်၌ လမ်းဦးစီးဌာန၏ ၂၀၂၅ - ၂၀၂၆ ဘဏ္ဍာရေးနှစ်၊ ပြည်နယ်ရန်ပုံငွေဖြင့် လမ်းမြေသား တိုးချဲ့ပြုပြင်ခြင်းနှင့် မြေသားတာပေါင် တိုးချဲ့ခြင်းလုပ်ငန်းများအား ကွင်းဆင်းစစ်ဆေး

     ၂၀၂၆ ခုနှစ်၊ ဇန်နဝါရီ ၃၀ ရက် နံနက် ၈ နာရီ ၃၀ မိနစ်တွင် ရှမ်းပြည်နယ်၊ တောင်ကြီးမြို့နယ်၊ ကျောက်တလုံးကြီးမြို့၊ လမ်းဦးစီးဌာန၏ ၂၀၂၅ - ၂၀၂၆ ဘဏ္ဍာရေးနှစ်၊ ပြည်နယ်ရန်ပုံငွေဖြင့် တာဝန်ယူဆောင်ရွက်သော ကျွန်းတောင် - ကျောက်တလုံးကြီး - နောင်ယာဆိုင်း - ဆိုက်ခေါင် - ပွန်ချောင်း - မောက်မယ်လမ်း (9.3 km - 13 km အတွင်း) အတက်အဆင်းကွေ့များ၌ ယာဉ်အန္တရာယ်၊ လမ်းအန္တရာယ် ကင်းရှင်းစေရန်အတွက် လမ်းမြေသား တိုးချဲ့ပြုပြင်ခြင်းလုပ်ငန်းအား လည်းကောင်း၊ ဘန်းယဉ် - ဟိုခို - လွိုင်ဆောင်လမ်း (14.5 km - 15.5 km အတွင်း) မြေသားတာပေါင် တိုးချဲ့ခြင်း လုပ်ငန်းအား လည်းကောင်း မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ မြို့နယ်အုပ်ချုပ်ရေးမှူး ဦးရန်နိုင်ထွန်း ဦးဆောင်၍ သက်ဆိုင်ရာဌာန တာဝန်ရှိသူများနှင့်အတူ ကွင်းဆင်းကြည့်ရှုစစ်ဆေးခဲ့ကြောင်း သတင်းရရှိပါသည်။