ရှမ်းပြည်နယ်၊ နမ့်စန်မြို့နယ်၊ လွိုင်လင်-နမ့်စန်သွားပြည်ထောင်စုလမ်းမကြီး၊ မိုင်တိုင်အမှတ် ၁၇၇ မိုင် ၁ ဖာလုံနှင့် ၂ ဖာလုံကြားတွင် ယာဉ်တိမ်းမှောက်မှုဖြစ်ပွားသဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်မှု

ရှမ်းပြည်နယ်၊ နမ့်စန်မြို့နယ်၊ လွိုင်လင်-နမ့်စန်သွားပြည်ထောင်စုလမ်းမကြီး၊ မိုင်တိုင်အမှတ် ၁၇၇ မိုင် ၁ ဖာလုံနှင့် ၂ ဖာလုံကြားတွင် ယာဉ်တိမ်းမှောက်မှုဖြစ်ပွားသဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်မှု

     ၂၀၂၆ ခုနှစ်၊ ဇန်နဝါရီ ၁၇ ရက် နံနက် ၁၀ နာရီခန့်က ရှမ်းပြည်နယ်၊ နမ့်စန်မြို့နယ်၊ လွိုင်လင်-နမ့်စန်သွားပြည်ထောင်စုလမ်းမကြီး၊ မိုင်တိုင်အမှတ် ၁၇၇ မိုင် ၁ ဖာလုံနှင့် ၂ ဖာလုံကြားတွင် မိတ္ထီလာမှ တာချီလိတ်သို့ ယာဉ်မောင်း ဦးရာဇာမင်း(၄၃)နှစ် မောင်းနှင်လာသော ယာဉ်အမှတ် 6M-XXXX ROSA အမျိုးအစား “ထီလာရိုးမ” ခရီးသည်တင်ယာဉ်သည် အရှိန်မထိန်းနိုင်ဘဲ လမ်း၏ယာဘက် အနက် ပေ ၅၀၀ ခန့်ရှိ ချောက်ထဲသို့ ထိုးကျတိမ်းမှောက်မှုဖြစ်ပွားကြောင်း သတင်းရရှိသဖြင့် လွိုင်လင်ခရိုင်၊ မြို့ နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီး၊ သူနာတင်ယာဉ် သုံးစီးတို့ဖြင့်  ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ မွန်းလွဲ ၂ နာရီ ၅၅ မိနစ်တွင် လုပ်ငန်းဆောင်ရွက် ပြီးစီးခဲ့ပါသည်။ 
     အဆိုပါဖြစ်စဉ်ကြောင့် ယာဉ်ပေါ်ပါ ယာဉ်မောင်းအပါအဝင် အမျိုးသား ငါးဦး၊ အမျိုးသမီး ခုနစ်ဦး၊ စုစုပေါင်း ၁၂ ဦးအနက် အမျိုးသား တစ်ဦး(သေဆုံး)၊ အမျိုးသား လေးဦးနှင့် အမျိုးသမီး ခုနစ်ဦး ထိခိုက်ဒဏ်ရာ(မစိုးရိမ်ရ)တို့ ရရှိခဲ့သဖြင့် ယာဉ်မောင်း ရာဇာမင်းအား နမ့်စန်မြို့မရဲစခန်းမှ အမှုဖွင့် အရေးယူထားကြောင်း သတင်းရရှိပါ သည်။