ရှမ်းပြည်နယ်၊ ပင်လောင်းမြို့နယ်၌ မော်တော်ယာဉ်တိမ်းမှောက်မှုဖြစ်ပွား၍ အမျိုးသား နှစ်ဦး ထိခိုက်ဒဏ်ရာရရှိ

ရှမ်းပြည်နယ်၊ ပင်လောင်းမြို့နယ်၌ မော်တော်ယာဉ်တိမ်းမှောက်မှုဖြစ်ပွား၍ အမျိုးသား နှစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မေ ၉ ရက်က ရှမ်းပြည်နယ်၊ ပင်လောင်းမြို့နယ်၌ မော်တော်ယာဉ် တိမ်းမှောက်မှု ဖြစ်ပွား၍ အမျိုးသား နှစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ မေ ၉ ရက် မွန်းလွဲ ၃ နာရီ ၃၀ မိနစ်တွင် ရှမ်းပြည်နယ်၊ ပင်လောင်းမြို့နယ်၊ ပင်လောင်း-လွိုင်ကော်သွားကားလမ်းအဆင်း၌ ယာဉ်တိမ်းမှောက်မှုဖြစ်ပွားကြောင်း သတင်းအရ ပင်လောင်းမြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ မန္တလေးတိုင်းဒေသကြီး၊ ပြည်ကြီးတံခွန်မြို့နေ စည်သူငြိမ်းအောင်(၂၈)နှစ် မောင်းနှင်ပြီး ရှမ်းပြည်နယ်၊ လားရှိုးမြို့နယ်၊ နမ့်ပါချီးရပ်ကွက်နေ သူရကျော်(၂၉)နှစ် လိုက်ပါလာသည့် MDY-12/6R-XXXX DONGFENG ၂၂ ဘီး နောက်တွဲယာဉ်သည် ပင် လောင်းမြို့မှ လွိုင်ကော်မြို့ဘက်သို့ ဘိလပ်မြေအိတ်များ တင်ဆောင် မောင်းနှင်လာစဉ် အခင်းဖြစ်နေရာအရောက်၌ အရှိန်မထိန်းနိုင်ဘဲ တိမ်းမှောက်ခဲ့သဖြင့် စည်သူငြိမ်းအောင်နှင့်သူရကျော်တို့ နှစ်ဦးတွင် ထိခိုက်ဒဏ်ရာများ အသီးသီးရရှိခဲ့သောကြောင့် စည်သူငြိမ်းအောင် အား ပင်လောင်းမြို့မရဲစခန်း ယာဉ်(ပ)၄/၂၀၂၆၊ ရာဇသတ်ကြီးပုဒ်မ ၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။