ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ မြို့နယ်ဘက်စုံသုံးခန်းမ၌ KBZ Foundation နှင့် ရှမ်းတောင်ပရဟိတညီနောင်များကွန်ရက်မှ မြို့နယ်အတွင်း အင်အားပြင်းငလျင် လှုပ်ခတ်ခဲ့မှုကြောင့် ပြိုကျပျက်စီးသွားသည့် စာသင်ကျောင်းများနှင့် လူနေအိမ်များအတွက် ထောက်ပံ့ငွေပေးအပ်ခြင်းအခမ်းအနား ကျင်းပ

ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ မြို့နယ်ဘက်စုံသုံးခန်းမ၌ KBZ Foundation နှင့် ရှမ်းတောင်ပရဟိတညီနောင်များကွန်ရက်မှ မြို့နယ်အတွင်း အင်အားပြင်းငလျင် လှုပ်ခတ်ခဲ့မှုကြောင့် ပြိုကျပျက်စီးသွားသည့် စာသင်ကျောင်းများနှင့် လူနေအိမ်များအတွက် ထောက်ပံ့ငွေပေးအပ်ခြင်းအခမ်းအနား ကျင်းပ

     ၂၀၂၅ ခုနှစ်၊ မေ ၆ ရက် နံနက် ၁၀ နာရီတွင် ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရ ဒေသ၊ ပင်လောင်းမြို့နယ်၊ မြို့နယ်ဘက်စုံသုံးခန်းမ၌ KBZ Foundation နှင့် ရှမ်းတောင်ပရဟိတ ညီနောင်များကွန်ရက်မှ မြို့နယ်အတွင်း အင်အားပြင်းငလျင်လှုပ်ခတ်ခဲ့မှုကြောင့် ပြိုကျပျက်စီးသွားသည့် စာသင်ကျောင်းများနှင့် လူနေအိမ်များအတွက် ထောက်ပံ့ငွေပေးအပ်ခြင်းအခမ်းအနား ကျင်းပပြုလုပ်ခဲ့ရာ ပအိုဝ်းကိုယ်ပိုင်အုပ်ချုပ်ခွင့်ရ‌ဒေသစီမံအုပ်ချုပ်ရေးအဖွဲ့ဥက္ကဋ္ဌ ဦးခွန်ရဲထွေးနှင့် အဖွဲ့ဝင်များ၊ နာယကနှင့် အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ မြို့နယ်အုပ်ချုပ်ရေးမှူး ဦးတင့်ဇော်ထက်၊ မြို့နယ် စီမံအုပ်ချုပ်ရေးအဖွဲ့ဝင်များ၊ မြို့နယ်အဆင့်ဌာနဆိုင်ရာများမှ တာဝန်ရှိသူများ၊ ရပ်ကွက်/ကျေးရွာအုပ်စု အုပ်ချုပ်ရေးမှူးများ၊ ငလျင်ကြောင့် ပြိုကျပျက်စီးခဲ့သည့် စာသင်ကျောင်းများမှ ကျောင်းအုပ်ဆရာ/ ဆရာမကြီးများ၊ ကျောင်းကော်မတီဝင်များ၊ ငလျင်ဘေးသင့်ပြည်သူများ စုစုပေါင်းအင်အား ၄၅၀ ဦးတို့ တက်ရောက်ခဲ့ပါသည်။ 
     အဆိုပါအခမ်းအနားတွင် KBZ Foundation နှင့် ရှမ်းတောင်ပရဟိတညီနောင်များ ကွန်ရက်မှ တာဝန်ရှိသူက ငလျင်ဘေးသင့်ပြည်သူများအတွက် ကူညီကယ်ဆယ်ထောက်ပံ့ရေးလုပ်ငန်းစဉ်များ အကြောင်း ရှင်းလင်းခြင်း၊ ငလျင်ဘေးသင့်မှုကြောင့် ပြိုကျပျက်စီးခဲ့သည့် စာသင်ကျောင်းများနှင့် လူနေအိမ်များအတွက် ထောက်ပံ့ငွေပေးအပ်ခဲ့ရာ ပအိုဝ်းကိုယ်ပိုင်အုပ်ချုပ်ခွင့်ရ‌ဒေသစီမံအုပ်ချုပ်ရေး အဖွဲ့ဥက္ကဋ္ဌနှင့် အဖွဲ့ဝင်များ၊ ဒေသခံပြည်သူများမှ လက်ခံရယူခဲ့ကြောင်း သတင်းရရှိပါသည်။