လှိုင်းဘွဲမြို့နယ်၌ သမဝါယမကဏ္ဍမှ ဆောင်းဆီထွက်သီးနှံ(မြေပဲ) နှုတ်သိမ်းနေမှု ကွင်းဆင်းကြည့်ရှု့

လှိုင်းဘွဲမြို့နယ်၌ သမဝါယမကဏ္ဍမှ ဆောင်းဆီထွက်သီးနှံ(မြေပဲ) နှုတ်သိမ်းနေမှု ကွင်းဆင်းကြည့်ရှု့

ကရင် ဖေဖော်ဝါရီ  ၂၀

ကရင်ပြည်နယ်အတွင်း လှိုင်းဘွဲမြို့နယ်၌ သမဝါယမကဏ္ဍမှ ဆောင်းဆီထွက်သီးနှံ(မြေပဲ) စိုက်ပျိုးရေးစီမံကိန်းတွင် ပါဝင်ဆောင်ရွက်လျက်ရှိသော ကပ္ပလီကျေးရွာရှိ ကပ္ပလီ(ရွှေဂွန်း) စိုက်ပျိုးရေးနှင့် အထွေထွေလုပ်ငန်းသမဝါယမအသင်းက မြေပဲစိုက်အသင်းသားတောင်သူ(၆၄)ဦး၏ စိုက်ပျိုးထားသော ဆောင်းဆီထွက်သီးနှံ(မြေပဲ) စိုက်ဧက(၄၀၀) မြေပဲနှုတ်သိမ်းနေမှုအား ကရင်ပြည်နယ်သမဝါယမဦးစီးဌာနမှ ပြည်နယ်ဦးစီးမှူးဒေါ်အေးပွင့်နှင့် တာဝန်ရှိသူများက  ကွင်းဆင်း ကြည့်ရှု စစ်ဆေးခဲ့ကြောင်း သိရှိရသည်။

ထိုသို့ကြည့်ရှုစစ်ဆေးရာတွင် ပြည်နယ်ဦးစီးမှူးက ဆောင်းမြေပဲစိုက်အသင်းသားတောင်သူ များနှင့်တွေ့ဆုံကာ ဆောင်းဆီထွက်သီးနှံ(မြေပဲ)နှုတ်သိမ်းနေမှုနှင့် မြေပဲနှုတ်သိမ်းချိန်တွင် အလေအလွင့် မရှိစေရေး၊ မြေပဲတောင့်များ ထိခိုက်ကွဲအက်မှုမရှိစေရေးတို့အတွက် စနစ်တကျ ဆောင်ရွက်သွားကြရန် မှာကြားခဲ့ပြီး မြေပဲအထွက်နှုန်းမှာ (၁)ဧကလျှင် မြေပဲ(၇၅)တင်း ထွက်ရှိကြောင်း သိရသည်။