အကျဉ်းထောင်များတွင် ပြင်ပကျန်းမာရေးအဖွဲ့များမှ ကျန်းမာရေးစစ်ဆေးကုသစောင့်ရှောက်ပေးမှု

အကျဉ်းထောင်များတွင် ပြင်ပကျန်းမာရေးအဖွဲ့များမှ ကျန်းမာရေးစစ်ဆေးကုသစောင့်ရှောက်ပေးမှု

     အကျဉ်းဦးစီးဌာနကွပ်ကဲမှုအောက်ရှိ အကျဉ်းထောင်/စခန်းအသီးသီးတွင် ကျန်းမာရေးဦးစီးဌာန၊ ပြင်ပကျန်းမာရေးအဖွဲ့များနှင့် ပူးပေါင်း၍ လစဉ်ကျန်းမာရေးစစ် ဆေးကုသ စောင့်ရှောက်ပေးမှုများ ပြုလုပ်လျက်ရှိရာ ၂၀၂၅ ခုနှစ်၊ ဒီဇင်ဘာ ၁ ရက်တွင် ကသာအကျဉ်းထောင်၌ ကသာခရိုင်ပြည်သူ့ ကျန်းမာရေးဦးစီးဌာနမှ ဒေါက်တာ ဒေါ်ဖြူပြာမင်း ဦးဆောင်သောအဖွဲ့ဝင် ၅ ဦးမှ အကျဉ်းသား/အကျဉ်းသူ ၁၂ ဦးတို့အား လည်းကောင်း၊ ထားဝယ်အကျဉ်းထောင်၌ ထားဝယ်ပြည်သူ့ဆေးရုံကြီးမှ အထွေ ထွေရောဂါကုဆရာဝန် ဒေါက်တာ ထက်လွင်မှ အကျဉ်းသား/အကျဉ်းသူ ၃၀ ဦးအားလည်းကောင်း။

     အလားတူ ဒီဇင်ဘာ ၂ ရက်တွင် မြိတ်အကျဉ်းထောင်၌ မြိတ်ပြည်သူ့ကျန်းမာရေးဦးစီးဌာနမှ  သားဖွားဆရာမ ဒေါ်နှင်းသန္တာအောင်မှ အကျဉ်းသူ ၁၀၁ ဦး၊ အချုပ်သူ ၆ ဦး၊ စုစုပေါင်း ၁၀၇ ဦးအား လည်းကောင်း၊ ကော့သောင်းအကျဉ်းထောင်၌ ကော့သောင်းပြည်သူ့ဆေးရုံကြီးမှ ဒေါက်တာ ဘုန်းတင့်အောင်မှ အကျဉ်းသား ၂၅ ဦး၊  အချုပ် သား ၅ ဦး၊ စုစုပေါင်း ၃၀ ဦးအား လည်းကောင်း၊ ပခုက္ကူအကျဉ်းထောင်၌ ပခုက္ကူခရိုင်ပြည်သူ့ဆေးရုံကြီးမှ သွားနှင့်ခံတွင်း အထူးကုဆရာဝန်နှင့်အဖွဲ့မှ အကျဉ်းသား ၆၇ ဦး၊ အကျဉ်းသူ ၅၂ ဦး၊ စုစုပေါင်း ၁၁၉ ဦးတို့အား လည်းကောင်း ကျန်းမာရေး စစ်ဆေးကုသစောင့်ရှောက်မှုများ ပြုလုပ်ဆောင်ရွက်ပေးခဲ့ကြောင်း သတင်းရရှိပါ သည်။