အကျဉ်းထောင်/စခန်းအသီးသီးတွင် ပြင်ပကျန်းမာရေးအဖွဲ့များမှ ကျန်းမာရေး စစ်ဆေးကုသစောင့်ရှောက်ပေးမှုနှင့် ကျန်းမာရေးမှူးများမှ ကျန်းမာရေးအသိပညာပေး ဟောပြောပွဲများ ကျင်းပ

အကျဉ်းထောင်/စခန်းအသီးသီးတွင် ပြင်ပကျန်းမာရေးအဖွဲ့များမှ ကျန်းမာရေး စစ်ဆေးကုသစောင့်ရှောက်ပေးမှုနှင့် ကျန်းမာရေးမှူးများမှ ကျန်းမာရေးအသိပညာပေး ဟောပြောပွဲများ ကျင်းပ

     အကျဉ်းဦးစီးဌာနကွပ်ကဲမှုအောက်ရှိ အကျဉ်းထောင်/စခန်းအသီးသီးတွင် ကျန်းမာရေးဦးစီးဌာနနှင့် ပြင်ပကျန်းမာရေးအဖွဲ့များ ပူးပေါင်း၍ လစဉ်ကျန်းမာရေးစောင့် ရှောက်မှု လုပ်ငန်းများ ဆောင်ရွက်ပေးလျက်ရှိရာ ၂၀၂၅ ခုနှစ်၊ အောက်တိုဘာ ၂၇ ရက်တွင် မန္တလေးတိုင်းဒေသကြီး၊ မန္တလေးဗဟိုအကျဉ်းထောင်မှ အကျဉ်းသား ၁၅၇ ဦးအား အမျိုးသားတီဘီရောဂါတိုက်ဖျက်ရေး စီမံကိန်း(ဗဟို)၊ မန္တလေးရုံးခွဲမှ ဦးစီးအရာရှိ ဒေါ်ထိုက်ထိုက်ထွန်း ဦးဆောင်သော အဖွဲ့ဝင် ၇ ဦးတို့မှ လည်းကောင်း၊ နိုဝင်ဘာ ၅ ရက်တွင် ပဲခူးတိုင်းဒေသကြီး၊ ပေါင်းတည်အချုပ်ထောင်မှ အကျဉ်းသား၊ အကျဉ်းသူ ၁၁၆ ဦး၊ အချုပ်သား၊ အချုပ်သူ ၂၈ ဦး၊ စုစုပေါင်း ၁၄၄ ဦးတို့အား တိုင်းဒေသကြီး ပြည်သူ့ကျန်းမာရေးဦးစီးဌာနမှူး ဒေါက်တာ ဦးဇော်မင်းထွန်း ဦးဆောင်သော အဖွဲ့ဝင် ၉ ဦးတို့မှ တီဘီရောဂါရှာဖွေခြင်းလုပ်ငန်းများ ဆောင်ရွက်ပေးခဲ့ပါသည်။

     အလားတူ  ၂၀၂၅ ခုနှစ်၊ အောက်တိုဘာ ၂၇ ရက်တွင် ရန်ကုန်တိုင်းဒေသကြီး၊ အင်းစိန်ဗဟိုအကျဉ်းထောင်မှ ဝန်ထမ်း၊ မိသားစုဝင် ၄၀ ဦး၊  အကျဉ်းသား၊ အကျဉ်းသူ ၅၁၀ ဦးနှင့် အချုပ်သား၊ အချုပ်သူ ၅၀ ဦး၊ စုစုပေါင်း ၅၆၀ ဦးတို့အား တိုင်းဒေသကြီးပြည်သူ့ကျန်းမာရေးဦးစီးဌာနမှ ဒုတိယညွှန်ကြားရေးမှူး ဒေါက်တာ ဒေါ်ဇင်မင်းစိုးနှင့် လက်ထောက်ညွှန်ကြားရေးမှူး ဒေါက်တာ ဦးဥဂ္ဂါဖြိုးတို့မှ “ခုခံအားကျဆင်းမှု ကူးစက်ရောဂါအကြောင်း သိကောင်းစရာများ” ခေါင်းစဉ်ဖြင့် ကျန်းမာရေးဟောပြော ပွဲ ဆောင်ရွက်ပေးခဲ့ကြောင်း သတင်းရရှိပါသည်။