အကျဉ်းထောင်/စခန်း အသီးသီးတွင် ပြင်ပကျန်းမာရေးအဖွဲ့များမှ ကျန်းမာရေးစစ်ဆေးကုသ စောင့်ရှောက်ပေးမှုများနှင့် ကျန်းမာရေးအသိပညာပေးဟောပြောပွဲများ ကျင်းပပြုလုပ်

အကျဉ်းထောင်/စခန်း အသီးသီးတွင် ပြင်ပကျန်းမာရေးအဖွဲ့များမှ ကျန်းမာရေးစစ်ဆေးကုသ စောင့်ရှောက်ပေးမှုများနှင့် ကျန်းမာရေးအသိပညာပေးဟောပြောပွဲများ ကျင်းပပြုလုပ်

     အကျဉ်းဦးစီးဌာနကွပ်ကဲမှုအောက်ရှိ အကျဉ်းထောင်/စခန်းအသီးသီးတွင် ကျန်းမာရေးဦးစီးဌာန၊ သက်ဆိုင်ရာ ခရိုင်၊ မြို့နယ်များရှိ ကျန်းမာရေးအဖွဲ့များနှင့်ပူးပေါင်း၍ လစဉ်ကျန်းမာရေး စစ်ဆေးကုသစောင့်ရှောက်မှုလုပ်ငန်းများ ဆောင်ရွက်ပေးလျက်ရှိရာ ၂၀၂၆ ခုနှစ်၊ မေ ၁၈ ရက်နှင့် ၁၉ ရက်တို့တွင် Global Fund အထောက်အပံ့ဖြင့် အမျိုးသားတီဘီရောဂါတိုက်ဖျက်ရေးစီမံကိန်း(ဗဟို-မန္တလေးရုံးခွဲ)မှ လက်ထောက်ညွှန်ကြားရေးမှူး ဒေါက်တာ အောင်ကျော်စိုး ဦးဆောင်သော အဖွဲ့ဝင် ၉ ဦးတို့သည် ရမည်းသင်းအကျဉ်းထောင်မှ အကျဉ်းသား ၂၉၄ ဦး၊ အချုပ်သား ၂၂ ဦး၊ စုစုပေါင်း ၃၁၆ ဦးတို့အား တီဘီရောဂါရှာဖွေခြင်းလုပ်ငန်းများနှင့် ကျန်းမာရေးစောင့်ရှောက်မှုများအား လည်းကောင်း။

     အလားတူ မေ ၂၀ ရက်တွင် စစ်ကိုင်းတိုင်းဒေသကြီး၊ ရွှေဘိုမြို့ပြည်သူ့ဆေးရုံကြီးမှ ဆရာဝန် ဦးအောင်ကျော်ထက် ဦးဆောင်သော အဖွဲ့ဝင် ၆ ဦးတို့သည် ရွှေဘိုအကျဉ်းထောင်မှ အကျဉ်းသား ၅၀ ဦး၊ အချုပ်သား ၅ ဦး၊ စုစုပေါင်း ၅၅ ဦးတို့အား မူးယစ်ဆေးဝါးနှင့်ပတ်သက်သည့် ကျန်းမာရေးဆိုင်ရာ အသိပညာပေးဟောပြောခြင်းနှင့် အကျဉ်းသား ၂၀ ဦးအား HIV ပိုး ရှိ/ မရှိ  သွေးဖောက်စစ်ဆေးမှုများအား လည်းကောင်း ပြုလုပ်ဆောင်ရွက်ပေးခဲ့ကြောင်း သတင်းရရှိပါသည်။