ဧရာဝတီတိုင်းဒေသကြီး၊ ပုသိမ်မြို့နယ်၊ အမှတ်(၁၀)ရပ်ကွက်၌ နေအိမ် မီးလောင်မှု 

ဧရာဝတီတိုင်းဒေသကြီး၊ ပုသိမ်မြို့နယ်၊ အမှတ်(၁၀)ရပ်ကွက်၌ နေအိမ် မီးလောင်မှု 

      ၂၀၂၆ ခုနှစ်၊ ဇန်နဝါရီ ၉ ရက် နံနက် ၄ နာရီ ၁၇ မိနစ်ခန့်က ဧရာဝတီတိုင်းဒေသကြီး၊ ပုသိမ်မြို့နယ်၊ အမှတ်(၁၀)ရပ်ကွက်၌ ပိုင်ရှင် ဦးမြင့်စိုး(၅၅)နှစ်၏ ၁၀ x ၁၅ ပေ၊ သွပ်မိုး၊ ဓနိကာ၊ ဝါးကြမ်းခင်း နေအိမ်တွင် ထင်းမီးဖြင့် ထမင်းအိုးတည်ထားရာမှတစ်ဆင့် အနီးရှိ ဓနိအကာသို့ မီးကူးစက်လောင်ကျွမ်းမှု ဖြစ်ပွားကြောင်း သတင်းရရှိသဖြင့် ပုသိမ်မြို့နယ်မီးသတ်စခန်းမှ မီးသတ် တပ်ဖွဲ့ဝင်များသည် မီးသတ်ယာဉ် နှစ်စီးဖြင့်  မီးငြှိမ်းသတ်ခဲ့ရာ နံနက် ၄ နာရီ ၂၅ မိနစ်တွင် မီးငြိမ်း ခဲ့ပါသည်။ 
      အဆိုပါမီးလောင်မှုကြောင့် ၁၀ x ၁၅ ပေ၊ သွပ်မိုး၊ ဓနိကာ၊ ဝါးကြမ်းခင်း နေအိမ် တစ်လုံး၊ ၁၀ x ၁၀ ပေ၊ ဓနိမိုး၊ ဓနိကာ၊ ဝါးကြမ်းခင်း နေအိမ် တစ်လုံး စုစုပေါင်း နေအိမ် နှစ်လုံး မီးလောင် ဆုံးရှုံးခဲ့ကြောင်းနှင့် ပိုင်ရှင် မြင့်စိုး အား သင်္ဘောကျင်းနယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။