ဧရာဝတီတိုင်းဒေသကြီး၊ အင်္ဂပူမြို့နယ်၊ ကွမ်းခြံကုန်းကျေးရွာ၌ ကုန်စုံဆိုင် မီးလောင်မှု

ဧရာဝတီတိုင်းဒေသကြီး၊ အင်္ဂပူမြို့နယ်၊ ကွမ်းခြံကုန်းကျေးရွာ၌ ကုန်စုံဆိုင် မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၁၈ ရက် မွန်းလွဲ ၁ နာရီ ၂၀ မိနစ်ခန့်က ဧရာဝတီတိုင်းဒေသကြီး၊ အင်္ဂပူမြို့နယ်၊ ကွမ်းခြံကုန်းကျေးရွာ၌ ပိုင်ရှင် ဦးတင်ဇော်(၅၈)နှစ်၏ ၁၅ x ၂၀ ပေ၊ သွပ်မိုး၊ ထရံကာ၊ ပျဉ်ခင်း တစ်ထပ် ကုန်စုံဆိုင်တွင် ဆိုလာပြားဖြင့် အားသွင်းရာမှ အားသွင်းကြိုး အပူလွန်ကဲ၍ အနီးရှိ ထရံသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ကွင်းကောက်နယ်မြေမီးသတ် စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် မီးငြှိမ်းသတ်ခဲ့ရာ မွန်းလွဲ ၁ နာရီ ၃၀ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၁၅ x ၂၀ ပေ၊ သွပ်မိုး၊ ထရံကာ၊ ပျဉ်ခင်း တစ်ထပ် ကုန်စုံဆိုင်ခန်း နှစ်ခန်း မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးတင်ဇော် အား ကွင်းကောက်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။