ဧရာဝတီတိုင်းဒေသကြီး၊ မြောင်းမြမြို့နယ်၊ အမှတ်(၃)ရပ်ကွက်၌ နေအိမ် မီးလောင်မှု

ဧရာဝတီတိုင်းဒေသကြီး၊ မြောင်းမြမြို့နယ်၊ အမှတ်(၃)ရပ်ကွက်၌ နေအိမ် မီးလောင်မှု

     ၂၀၂၆ ခုနှစ်၊ ဧပြီ ၄ ရက် နံနက် ၁၁ နာရီ ၁၅ မိနစ်ခန့်က ဧရာဝတီတိုင်းဒေသကြီး၊ မြောင်းမြမြို့နယ်၊ အမှတ်(၃)ရပ်ကွက်၊ မဟာစည်(၄)လမ်းရှိ ပိုင်ရှင် ဒေါ်အိဖြူ(၂၂)နှစ်၏ ၁၅ x ၁၅ ပေ၊ ဓနိမိုး၊ ဓနိကာ၊ ပျဉ်ခင်း တစ်ထပ်နေအိမ်တွင် ထင်းမီးဖိုဖြင့် ထမင်းအိုးတည်ထားရာမှ အနီးရှိ ဓနိအကာသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် မြောင်းမြခရိုင်၊ မြို့နယ်မီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် ခြောက်စီးဖြင့် မီးငြှိမ်းသတ်ခဲ့ရာ နံနက် ၁၁ နာရီ ၂၈ မိနစ်တွင် မီးငြိမ်းခဲ့ပါသည်။
     အဆိုပါ မီးလောင်မှုကြောင့် ၁၅ x ၁၅ ပေ၊ ဓနိမိုး၊ ဓနိကာ၊ ပျဉ်ခင်း တစ်ထပ်နေအိမ် တစ်လုံး မီးလောင်ဆုံးရှုံးခဲ့ကြောင်းနှင့် ပိုင်ရှင် ဒေါ်အိဖြူ အား မြောင်းမြမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။