ဧရာဝတီတိုင်းဒေသကြီး၊ ဖျာပုံမြို့နယ်၊ ချောင်းဝကျေးရွာ၌ နေအိမ် မီးလောင်မှု

ဧရာဝတီတိုင်းဒေသကြီး၊ ဖျာပုံမြို့နယ်၊ ချောင်းဝကျေးရွာ၌ နေအိမ် မီးလောင်မှု

     ၂၀၂၆ ခုနှစ်၊ ဧပြီ ၂၉ ရက် နံနက် ၃ နာရီ ၁၀ မိနစ်ခန့်က ဧရာဝတီတိုင်းဒေသကြီး၊ ဖျာပုံမြို့နယ်၊ ချောင်းဝကျေးရွာ၌ ပိုင်ရှင် ဒေါ်ထားထား(၅၈)နှစ်၏ ၁၅ x ၂၀ ပေ၊ သွပ်မိုး၊ ထရံကာ၊ ပျဉ်ခင်းနေအိမ်တွင် မီးဖိုမီးကြွင်းမီးကျန်မှတစ်ဆင့် အနီးရှိ ထရံအကာသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ဖျာပုံခရိုင်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် မီးငြှိမ်းသတ်ခဲ့ရာ နံနက် ၃ နာရီ ၄၅ မိနစ်တွင် မီးငြိမ်းခဲ့ပါသည်။
     အဆိုပါမီးလောင်မှုကြောင့် ၁၅ x ၂၀ ပေ၊ သွပ်မိုး၊ ထရံကာ၊ ပျဉ်ခင်း နေအိမ် ၃၇ လုံး၊ ၁၀ x ၁၅ ပေ၊ ဓနိမိုး၊ ဓနိကာ၊ ဝါးခင်း နေအိမ် ၂၈ လုံး၊ ၃၅ x ၄၀ ပေ၊ သွပ်မိုး၊ အုတ်ကာ၊ ကွန်ကရစ်ခင်း နေအိမ် ၃ လုံး၊ ၁၅ x ၃၀ ပေ၊ သွပ်မိုး၊ အုတ်ကာ၊ ကွန်ကရစ်ခင်း နေအိမ် ၂ လုံး၊ စုစုပေါင်း နေအိမ် ၇၀ လုံး မီးလောင်ဆုံးရှုံးခဲ့ကြောင်းနှင့် ဒေါ်ထားထား အား ဖျာပုံမြို့နယ်၊ ဒေါ်ငြိမ်းနယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။