၁၀၅ နှစ်မြောက် အမျိုးသားအောင်ပွဲနေ့ကို ဂုဏ်ပြုသောအားဖြင့် ကွန်ကရစ်တံတားဖွင့်လှစ်

၁၀၅ နှစ်မြောက် အမျိုးသားအောင်ပွဲနေ့ကို ဂုဏ်ပြုသောအားဖြင့် ကွန်ကရစ်တံတားဖွင့်လှစ်

ဓနုဖြူ နိုဝင်ဘာ ၁၅

           ဧရာဝတီတိုင်းဒေသကြီး ဓနုဖြူမြို့နယ်၌ ၁၀၅ နှစ်မြောက် အမျိုးသားအောင်ပွဲနေ့ကို ဂုဏ်ပြုသောအားဖြင့် ကုန်းတန်းတောင်အုပ်စု တကုတ်ချောင်းကျေးရွာ ကျားချောင်း- တကုတ်ချောင်းဖြတ်လမ်းပေါ်ရှိ တကုတ်ချောင်းကွန်ကရစ်တံတားဖွင့်ပွဲအခမ်းအနားကို နိုဝင်ဘာလ ၁၄ ရက် မွန်းလွဲပိုင်းက အဆိုပါနေရာ၌ ကျင်းပသည်။

           အခမ်းအနားတွင် ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းနှင့်တာဝန်ရှိသူများက တံတားကို ဖဲကြိုးဖြတ်ဖွင့်လှစ်ပြီး ကျားချောင်း-တကုတ်ချောင်း ဖြတ်လမ်းပေါ်ရှိ တကုတ်ချောင်းကူးတံတားအား လှည့်လည် ကြည့်ရှုသည်။

           အဆိုပါ တကုတ်ချောင်းကူးတံတားမှာ အလျားပေ ၈၀၊ အနံပေ ၂၀ ရှိပြီး ကျေးလက်လမ်းဖွံ့ဖြိုးရေးဦးစီးဌာန၏ ခွင့်ပြုငွေကျပ် ၄၂၅ သန်းဖြင့် ဆောင်ရွက်ခဲ့ခြင်း ဖြစ်ကြောင်း မြို့နယ် ကျေးလက်လမ်းဖွံ့ဖြိုးရေးဦးစီးဌာနမှသိရသည်။

ဇင်မာ