၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲတွင် ပြည်သူများ ပါဝင်မဲပေးနိုင်ရေးအတွက် ဒို့အတူတူ မဲပေးကြမယ် အစီအစဉ်များ စတင်ဆောင်ရွက်

Month
Year
Type
Search

၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲတွင် ပြည်သူများ ပါဝင်မဲပေးနိုင်ရေးအတွက် ဒို့အတူတူ မဲပေးကြမယ် အစီအစဉ်များ စတင်ဆောင်ရွက်

Ministry of Information/ Naypyitaw / December 02, 2025

နေပြည်တော် ဒီဇင်ဘာ ၁

ပြန်ကြားရေးဝန်ကြီးဌာနအနေဖြင့် ၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲ အောင်မြင်ရေးအတွက် မီဒီယာနည်းလမ်းမျိုးစုံဖြင့် စီစဉ်ဆောင်ရွက်လျက်ရှိရာ ရွေးကောက်ပွဲတွင် ပြည်သူများ ပိုမိုပါဝင်မဲပေးနိုင်ရေး “ဒို့အတူတူ မဲပေးကြမယ်” ရွေးကောက်ပွဲလှုံ့ဆော်မှုများကို ၂၀၂၅ ခုနှစ် ဒီဇင်ဘာ ၁ ရက်မှ စတင်၍ ဆောင်ရွက်လျက်ရှိကြောင်း သိရသည်။

ပြန်ကြားရေးဝန်ကြီးဌာနသည် တိုင်းဒေသကြီး/ ပြည်နယ် အစိုးရအဖွဲ့များနှင့် ပူးပေါင်း၍ တိုင်းဒေသကြီး/ပြည်နယ်အသီးသီးရှိ မြို့ကြီးများ၏ လူစည်ကားရာနေရာများတွင် “ဒို့အတူတူ မဲပေးကြမယ်”၊ “ရွေးကောက်ပွဲမှသည် ပိုမိုကောင်းမွန် သော အနာဂတ်ဆီသို့” Billboard များ စိုက်ထူခြင်း၊ တက္ကသိုလ်/ကောလိပ်များ၊ လူစည်ကားရာ နေရာ များတွင် လက်ကမ်းစာစောင်များဖြန့်ဝေခြင်း၊ ရန်ကုန်မြို့ရှိ YBS ကားများတွင် ကြော်ငြာများ ကပ်ခြင်းများဆောင်ရွက်၍ ပြည်သူများ မဲရုံများသို့ သွားရောက်၍ မဲပေးနိုင်ရေး လှုံ့ဆော်မှုများဆောင်ရွက်လျက်ရှိကြောင်း သိရသည်။

သတင်းစဉ်