(၈၁)နှစ်မြောက်တပ်မတော်နေ့ကိုကြိုဆိုဂုဏ်ပြုသောအားဖြင့် ခရားအတွင်း-ခရားအပြင် ကျေးရွာချင်းဆက် ကွန်ကရစ်လမ်းသစ်ဖွင့်

(၈၁)နှစ်မြောက်တပ်မတော်နေ့ကိုကြိုဆိုဂုဏ်ပြုသောအားဖြင့် ခရားအတွင်း-ခရားအပြင် ကျေးရွာချင်းဆက် ကွန်ကရစ်လမ်းသစ်ဖွင့်

ဘားအံ မတ် ၁၇

(၈၁)နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ဘားအံခရိုင်ကျေးလက်လမ်းဖွံ့ဖြိုးရေးဦးစီးဌာနမှတာဝန်ယူဆောင်ရွက်သော ခရားအတွင်း-ခရားအပြင် ကျေးရွာချင်းဆက် ကွန်ကရစ်လမ်းသစ်ဖွင့်ပွဲကို မတ်လ ၁၇ ရက်နေ့ နံနက် ၇ နာရီခွဲက အဆိုပါလမ်းမုခ်ဦးတည်နေရာ၌ ကျင်းပသည်။

အဆိုပါလမ်းသည် ကျေးရွာ(၃)ရွာကို အကျိုးပြုစေမည်ဖြစ်ပြီး ကျားကလေး-ဇာသပြင်လမ်းနှင့် ချိတ်ဆက်ထား ခြင်းကြောင့် ဘားအံ၊မော်လမြိုင်၊မြဝတီမြို့များသို့ အချိ်န်တိုအတွင်းလွယ်ကူချောမွေ့လျင်မြန်စွာသွားလာနိုင်ကာ ၂၀၂၅-၂၀၂၆ ခုဘဏ္ဍာရေးနှစ်၊ ပြည်ထောင်စုအထွေထွေပိုလျှံရန်ပုံငွေကျပ် ၅၃၁ ဒဿမ ၈၀၀ သန်းဖြင့် အကျယ်(၁၄)ပေရှိ ကွန် ကရစ်လမ်း ၆ ဒဿမ ၂၂ ဖာလုံဆောင်ရွက်ပြီးစီးဖွင့်လှစ်ခြင်းဖြစ်ရာ ပြည်နယ်ဝန်ကြီးချုပ်ဦးစောမြင့်ဦး၊ ပြည်နယ်တရား လွှတ်တော်တရားသူကြီးချုပ်ဦးညွန့်လင်း၊ ပြည်နယ်ဝန်ကြီးများက ကွန်ကရစ်လမ်းသစ်ကိုဖဲကြိုးဖြတ်ဖွင့်လှစ်ပေးကြသည်။

ထို့နောက် ပြည်နယ်ဝန်ကြီးချုပ်နှင့်တာဝန်ရှိသူများသည် ကွန်ကရစ်လမ်းသစ်ဖွင့်ပွဲသို့တက်ရောက်လာသော မွန် ယဉ်ကျေးမှုအဖွဲ့များနှင့်စုပေါင်းမှတ်တမ်းဓာတ်ပုံများရိုက်ကူး၍ ဂုဏ်ပြုဆုများပေးအပ်ချီးမြှင့်ကြပြီး လမ်းသစ်အား ဖြတ်သန်းကြည့်ရှုစစ်ဆေးကာ တာဝန်ရှိသူများအားလိုအပ်သည်များမှာကြားခဲ့သည်။

ယင်းနောက် ကျေးရွာချင်းဆက်ကွန်ကရစ်လမ်းသစ်ဖွင့်ပွဲအခမ်းအနားကို ဆက်လက်ကျင်းပရာ ပြည်နယ်ဝန်ကြီး ချုပ်က ယခုကဲ့သို့ကျေးလက်လမ်း၊တံတားများကိုဖွံ့ဖြိုးတိုးတက်အောင်ဆောင်ရွက်ပေးခြင်းဖြင့် ကျေးလက်၊ မြို့ပြအချိုးညီ စွာဖွံ့ဖြိုးတိုးတက်လာပြီး ကျေးရွာမှမြို့ပြအသွင်၊မြို့ပြအခြေအနေသို့ အချိန်တိုအတွင်းတိုးတက်ပြောင်းလဲလာမည်ဖြစ်ကာ ကျေးလက်နေပြည်သူများ၏ပို့ဆောင်ဆက်သွယ်ရေးကဏ္ဍများ ပြည့်စုံကောင်းမွန်၍ ကျေးလက်ထုတ်ကုန်များ ကုန်ကျ စရိတ်သက်သာစွာဖြင့်ဈေးကွက်သို့ အမြန်ဆုံးရောက်ရှိခြင်း၊ ကျေးလက်နေပြည်သူများ၏ပညာရေး၊ ကျန်းမာရေး၊ လူမှုရေး ကိစ္စရပ်များလည်း အဆင်ပြေချောမွေ့ပြီး လူမှုစီးပွားဘဝများဖွံ့ဖြိုးတိုးတက်လာမည်ဖြစ်ကြောင်း ပြောကြားသည်။

ထို့နောက် ကျေးလက်နေပြည်သူတစ်ဦးက ကျေးဇူးတင်စကားပြန်လည်ပြောကြားပြီး ပြည်နယ်ဝန်ကြီးချုပ်နှင့် တာဝန်ရှိသူများသည် အခမ်းအနားသို့တက်ရောက်လာသော ဒေသခံပြည်သူများအား ရင်းနှီးနွေးထွေးစွာတွေ့ဆုံနှုတ်ဆက် ၍ အားပေးစကားများပြောကြားခဲ့ပါသည်။