ကချင်ပြည်နယ်၊ မိုးကောင်းမြို့နယ်နှင့် ရှမ်းပြည်နယ်၊ ညောင်ရွှေမြို့နယ်တို့၌ လိုင်စင်မဲ့မော်တော်ယာဉ် နှစ်စီး ဖမ်းဆီးရမိ

ကချင်ပြည်နယ်၊ မိုးကောင်းမြို့နယ်နှင့် ရှမ်းပြည်နယ်၊ ညောင်ရွှေမြို့နယ်တို့၌ လိုင်စင်မဲ့မော်တော်ယာဉ် နှစ်စီး ဖမ်းဆီးရမိ

     ကချင်ပြည်နယ်၊ မိုးကောင်းမြို့နယ်နှင့် ရှမ်းပြည်နယ်၊ ညောင်ရွှေမြို့နယ်တို့၌ ၂၀၂၅ ခုနှစ်၊ နိုဝင်ဘာ ၂၉ ရက်က လိုင်စင်မဲ့မော်တော်ယာဉ်နှစ်စီး ဖမ်းဆီးရမိခဲ့ကြောင်း သိရသည်။

     ဖြစ်စဉ်မှာ နိုဝင်ဘာ ၂၉ ရက် နံနက် ၅ နာရီ ၃၀ မိနစ်တွင် မိုးကောင်းမြို့နယ်၊ မိုးကောင်းမြို့မ ရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က မိုးကောင်းတံတား၌ ယာဉ်စစ်ဆေးခြင်းများ ဆောင်ရွက်နေစဉ် မိုးကောင်းမြို့၊ အိုးတန်းရပ်ကွက်နေ ပိုင်စိုးဦး(၂၆)နှစ် မောင်းနှင်လာသည့် YGN-35 9E-XXXX SURF မော်တော်ယာဉ်အား ရပ်တန့်စစ်ဆေးခဲ့ရာ အဆိုပါ မော်တော်ယာဉ်နှင့်ပတ်သက်သည့် အထောက်အထား တစ်စုံတစ်ရာပြသနိုင်ခြင်းမရှိဘဲ လိုင်စင်မဲ့ယာဉ်ဖြစ်ကြောင်း စစ်ဆေးတွေ့ရှိရသဖြင့် ပိုင်စိုးဦးအား မိုးကောင်းမြို့မရဲစခန်း (ပ)၉/၂၀၂၅၊ ပို့ကုန် သွင်းကုန်ဥပဒေပုဒ်မ ၈ ဖြင့် လည်းကောင်း။

     အလားတူ ညနေ ၅ နာရီ ၂၀ မိနစ်အချိန်တွင် ညောင်ရွှေမြို့နယ်၊ ညောင်ရွှေမြို့မရဲစခန်းမှ တပ်ဖွဲ့ဝင်များက ထီးရီးကျေးရွာ၊ “ရှမ်းရိုးမ” မွေးမြူးရေးဇုန်အနီး၌ ယာဉ်စစ်ပိတ်ဆို့စစ်ဆေးခြင်းများ ဆောင်ရွက်နေစဉ် တောင်ကြီးမြို့၊ ဘုရားဖြူရပ်ကွက်နေ ခူးရှေးရယ်(၃၄)နှစ် မောင်းနှင်လာသည့် YGN-9 3J-XXXX TOYOTA LANDCRUISER PRADO မော်တော်ယာဉ်အား ရပ်တန့်စစ်ဆေးခဲ့ရာ အဆိုပါ မော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ယာဉ် ဖြစ်ကြောင်း စစ်ဆေးတွေ့ရှိရသဖြင့် ခူးရှေးရယ်အား ညောင်ရွှေမြို့မရဲစခန်း (ပ)၁၀၆/ ၂၀၂၅၊ ပို့ကုန် သွင်းကုန်ဥပဒေပုဒ်မ ၈ ဖြင့် လည်းကောင်း အသီးသီးအမှုဖွင့်အရေးယူထားကြောင်း သတင်းရရှိသည်။