ကချင်ပြည်နယ်၊ မြစ်ကြီးနားမြို့၌ မိုးရွာသွန်းမှုများပြားသောကြောင့် ရပ်ကွက်များအတွင်း ရေကျော်မှုများဖြစ်ပွားသည့် နေရာများသို့ နယ်မြေခံတပ်မတော်သားများမှ ကူညီကယ်ဆယ်ရေးလုပ်ငန်းများ ဆောင်ရွက်

ကချင်ပြည်နယ်၊ မြစ်ကြီးနားမြို့၌ မိုးရွာသွန်းမှုများပြားသောကြောင့် ရပ်ကွက်များအတွင်း ရေကျော်မှုများဖြစ်ပွားသည့် နေရာများသို့ နယ်မြေခံတပ်မတော်သားများမှ ကူညီကယ်ဆယ်ရေးလုပ်ငန်းများ ဆောင်ရွက်

နေပြည်တော် ဇွန် ၂

ကချင်ပြည်နယ်၊ မြစ်ကြီးနားမြို့၌ မိုးရွာသွန်းမှုများပြားသောကြောင့် ၂၀၂၅ ခုနှစ် ဇွန်လ ၁ ရက်မှစ၍ ဧရာဝတီမြစ်ရေမြင့်တက်လာပြီး မြစ်ကမ်းနံဘေးရှိ ရပ်ကွက်၊ ကျေးရွာများအတွင်းသို့ မြစ်ရေများ ဝင်ရောက်လျက်ရှိရာ ဇွန်လ ၁ ရက်နေ့တွင် ဧရာဝတီမြစ်ရေချိန် ၁၂၁၈ စင်တီမီတာခန့် မြင့်တက်လာခဲ့ပြီး ယနေ့ ၁၂၃၀ ချိန် တိုင်းတာချက်အရ ၁၁၉၅ စင်တီမီတာခန့် လျော့ကျကာ စိုးရိမ်ရေမှတ် ၁၂၀၀ စင်တီမီတာအောက် ၅ စင်တီမီတာခန့် လျော့ကျခဲ့သည်။

အဆိုပါ မြစ်ရေဝင်ရောက်မှုဖြစ်ပွားရာနေရာများရှိ ဒေသခံပြည်သူများအား ယနေ့တွင် နယ်မြေခံတပ်မတော်သားများက ရေဘေးလွတ်ရာသို့ ရွှေ့ပြောင်းပေးခြင်း၊ သွားလာရန်ခက်ခဲသည့် နေရာများတွင် စက်လှေများ၊ ယာဉ်များဖြင့် ကူညီကယ်ဆယ်ရေးလုပ်ငန်းများ ဆောင်ရွက်ပေးခဲ့သည်။

ထိုသို့ ကူညီကယ်ဆယ်ရေးလုပ်ငန်း ဆောင်ရွက်နေမှုများကို မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် အောင်ဇော်ထွေးနှင့် တာဝန်ရှိသူများက သွားရောက်ကြည့်ရှုစစ်ဆေးခဲ့ကြောင်း သတင်းရရှိသည်။