ကျွမ်းကျင်ပိုင်နိုင်တဲ့ နှဲသမားတစ်ယောက်၊ ပညာရှင်တစ်ယောက်ဖြစ်ဖို့ နှစ်တွေအကြာကြီး လေ့လာသင်ယူကြိုးစားဖို့လည်း လိုအပ်ပါတယ်၊ မိမိဝါသနာ အရင်းခံရှိဖို့ အဓိကလိုအပ်မှာ ဖြစ်ပါတယ်

ကျွမ်းကျင်ပိုင်နိုင်တဲ့ နှဲသမားတစ်ယောက်၊ ပညာရှင်တစ်ယောက်ဖြစ်ဖို့ နှစ်တွေအကြာကြီး လေ့လာသင်ယူကြိုးစားဖို့လည်း လိုအပ်ပါတယ်၊ မိမိဝါသနာ အရင်းခံရှိဖို့ အဓိကလိုအပ်မှာ ဖြစ်ပါတယ်

ကျွမ်းကျင်ပိုင်နိုင်တဲ့ နှဲသမားတစ်ယောက်၊ ပညာရှင်တစ်ယောက်ဖြစ်ဖို့ နှစ်တွေအကြာကြီး လေ့လာသင်ယူကြိုးစားဖို့လည်း  လိုအပ်ပါတယ်၊ မိမိဝါသနာ အရင်းခံရှိဖို့ အဓိကလိုအပ်မှာ ဖြစ်ပါတယ်၊

မောင်ထက်ဝေအောင်

(၂၆)ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး (ဗဟိုအဆင့်)ပြိုင်ပွဲ၏ အဆိုပြိုင်ပွဲ၊ အကပြိုင်ပွဲနှင့် အတီးပြိုင်ပွဲများကို အောက်တိုဘာ ၉ ရက် နံနက်ပိုင်းမှစတင်ပြီး နေပြည်တော်ရှိ အမျိုးသား ပြတိုက်၊ အမျိုးသားစာကြည့်တိုက်၊ ဆင်ဖြူရှင်ခန်းမနှင့် ပုဗ္ဗသီရိအား ကစားခန်းမတို့၌ အသီးသီးယှဉ်ပြိုင်ခဲ့ကြရာ ပြိုင်ပွဲဝင်များ၏ စကားသံများကို စုစည်းဖော်ပြ အပ်ပါသည်-

မခင်စန္ဒာသိန်း

ဧရာဝတီတိုင်းဒေသကြီး ကိုယ်စားပြု

အဆင့်မြင့်ပညာမဟာဂီတ

သီချင်းက‌ ပပဝင်းဝင်း(ပတ်ပျိုး) သီချင်းနဲ့ ဝင်ရောက်ယှဉ်ပြိုင်ခဲ့ပါ တယ်၊၊ အရင်နှစ်က ဝင်ရောက် ယှဉ်ပြိုင်ခဲ့ပေမယ့် ဆုတံဆိပ်တော့ မရရှိခဲ့ပါဘူး၊၊ ဒီနှစ်ကိုတော့ အကောင်းဆုံး ကြိုးစားပြင်ဆင် လေ့ကျင့်ခဲ့ပါတယ်၊၊ လူငယ်တစ်ယောက်အနေနဲ့ မဟာဂီတပညာရပ်ကိုမသိခင်က စိမ်းနေပေမယ့် ပြိုင်ပွဲကို ဝင်ရောက်ယှဉ်ပြိုင်လိုက်တော့မှ မြန်မာ့ယဉ်ကျေးမှု၊ မြန်မာသံစဉ် အနေနဲ့ နှစ်သက် မြတ်နိုးစရာကောင်းတာကို တွေ့ မြင်ခဲ့ရပါတယ်၊၊ တက္ကသိုလ်စတက် တဲ့ ပထမနှစ်လောက်မှစပြီး မဟာဂီတသံစဉ်တွေကို နှစ်သက်မြတ်နိုး တန်ဖိုးထားတတ်နေပါပြီ၊၊ အရင်နှစ်က ပြိုင်ပွဲဝင်ဦးရေထက် အခုနှစ်ပြိုင်ပွဲဝင်ဦးရေ ပိုမိုများပြားလာတာကိုတွေ့မြင်ရပါတယ်၊၊ မဟာဂီတပညာရပ်ကို စိတ်ဝင်စားစွာ လေ့လာကြည့်ပါက မြတ်နိုးစရာ၊ အနှစ်သာရများစွာ ပြည့်နှက် နေတယ်ဆိုတာ တွေ့ရှိရမှာဖြစ်တဲ့ အတွက် လူငယ်တွေအနေဖြင့် လေ့လာကြည့်ကြဖို့ တိုက်တွန်း အကြံပြုပြောချင်ပါတယ်၊၊

မောင်မိုးသက်ထွန်း

မွန်ပြည်နယ်ကိုယ်စားပြု

အရေးပြိုင်ပွဲအဆင့်မြင့်ပညာ

ယှဉ်ပြိုင်ရတဲ့ သီချင်းကတော့ လူချွန်၊ လူကောင်း၊ လူဂုဏ်ရည် သီချင်းဖြစ်ပါတယ်၊၊ သီချင်းထဲ မှာ ရေးဖွဲ့ထားတာက လူချွန်၊ လူကောင်းတွေကြောင့် နိုင်ငံ့ဂုဏ် တက်လာတာတွေ၊ ခေတ်အဆက်ဆက်အကျိုးပြုခဲ့တဲ့ သူရဲကောင်းတွေ ပေါ်ထွက်ခဲ့တဲ့ သူတို့ရဲ့ဂုဏ်ရည်တွေ၊ လက်ရှိအနုပညာရှင်ကဏ္ဍတွေ၊ အားကစားနဲ့ ရေကြောင်း ပညာတွေ၊ ဆေးပညာတွေ စတဲ့ လူချွန်၊ လူကောင်းတွေရဲ့ ဂုဏ် တွေကို ဖော်ညွှန်းရေးဖွဲ့သီကုံးထားတဲ့ သီချင်းမျိုးဖြစ်ပါတယ်၊၊ အရေး ပြိုင်ပွဲမှာ ပထမဆုံးဝင်ရောက် ယှဉ်ပြိုင်တာဖြစ်ပါတယ်၊၊ လူငယ်မျိုးဆက်သစ်တွေအနေနဲ့ စာတွေ၊ ကဗျာတွေ၊ ကာရန်ကဗျာ၊ ဂန္ထဝင် ကဗျာလို စာမျိုးတွေကို များများ ဖတ်စေချင်ပါတယ်၊၊ အခုပြိုင်ပွဲ ကြီးက ကြီးကျယ်ခမ်းနားထည်ဝါ လှပါတယ်၊၊

မောင်ထက်ဝေအောင်

မကွေးတိုင်းဒေသကြီးကိုယ်စားပြု

အခြေခံပညာ(၁၅-၂၀) နှဲပြိုင်ပွဲ

နှဲသမားတစ်ယောက် ဖြစ်ဖို့ မိမိဝါသနာနဲ့ ဆရာတွေသင်ပြမှု၊ ကိုယ်တိုင်ကြိုးစား အားထုတ်လေ့ လာသင်ယူမှုတွေ အများကြီးလို အပ်ပါတယ်၊၊ ကျွမ်းကျင်ပိုင်နိုင်တဲ့ နှဲသမားတစ်ယောက်၊ ပညာရှင် တစ်ယောက်ဖြစ်ဖို့ နှစ်တွေအကြာကြီး လေ့လာသင်ယူကြိုး စားဖို့လည်း လိုအပ်ပါတယ်၊ မိမိ ဝါသနာအရင်းခံရှိဖို့ အဓိကလိုအပ်မှာဖြစ်ပါတယ်၊၊ ဆိုင်းဝိုင်းတစ်ဝိုင်း မှာဆိုရင် နှဲသမားတစ်ယောက်ဟာ ညာလက်ရုံးအဖြစ် အရေးပါမှုရှိ သလို နှဲပါဝင်မှသာ ဆိုင်းဝိုင်း တစ်ဝိုင်းဟာ ပြည့်စုံတယ်လို့ဆိုရမှာပါ၊၊ နှဲပညာရပ်ကို လေ့လာ သင်ယူခဲ့တာ သုံးနှစ်လောက်ရှိပါ ပြီ၊၊ အခုလက်ရှိ ဆိုင်းဝိုင်းတွေမှာ နှဲသမားတစ်ယောက်အနေအဖြစ် ပါဝင်လုပ်ကိုင်နေပါတယ်၊၊

မောင်အောင်ဘုန်းခန့်

စစ်ကိုင်းတိုင်းဒေသကြီး ကိုယ်စားပြု

ကျွန်တော့်ဆရာတွေကတော့ ဆရာစိန်မင်းနိုင်၊ ဆရာညွန့်ဝင်းလှိုင်း၊ ဆရာကိုပြည့်စုံနဲ့ ဆရာသန်းဇော်ဦးတို့ ဖြစ်ပါတယ်၊၊ အခုက မင်္ဂလာသီရီ(ဘွဲ့) သီချင်းနဲ့ ဝင်ရောက် ယှဉ်ပြိုင်ခဲ့ပါတယ်၊၊ နှဲသမားတစ်ယောက် အနေနဲ့ ဝင်ရောက်ယှဉ်ပြိုင်တာ လေးနှစ် ရှိပါပြီ၊၊ ကျွမ်းကျင်မှုနဲ့ လိုအပ်ချက် တွေကို ဆရာတွေဆီကနေ ဆက် လက်လေ့လာသင်ယူသွားမှာဖြစ် ပါတယ်၊၊

မချောစုသွယ်နှင့်အဖွဲ့

ရန်ကုန်တိုင်းဒေသကြီး ကိုယ်စားပြု

အခြေခံပညာ (၁၀-၁၅)  ကဗျာလွတ်

သမီးတို့က ဒုတိယအကြိမ် လာရောက်ယှဉ်ပြိုင်တာ ဖြစ်ပါတယ်။ မနှစ်က ငွေတံဆိပ်ဆုရရှိ ခဲ့ပါတယ်။ ဒီနှစ်ယှဉ်ပြိုင်မှုမှာတော့ ရွှေတံဆိပ်ဆု မျှော်မှန်းထားပါတယ်။ မိဘတွေရော၊ ဆရာမတွေရော သမီးတို့ကို အကောင်းဆုံး ပံ့ပိုးဖြည့်ဆည်းပေးထားပါတယ်။ အချိန်အားဖြင့် လပိုင်းလောက်ပဲ လေ့ကျင့်ခဲ့ရပါတယ်။ သမီးတို့က ရန်ကင်း TTC နဲ့ ထ(၂)ကမာရွတ်မှ Grade 6 နဲ့ Grade 7 ကျောင်းသူ တွေ ဖြစ်ပါတယ်။ ဒီမှာလာပြိုင်ရ တာ ကျောင်းဂုဏ်ဆောင်၊ တိုင်း ဂုဏ်ဆောင် ဖြစ်တာကြောင့် ဂုဏ်ယူရပါတယ်။

ကချင်ပြည်နယ်ကိုယ်စားပြုအဖွဲ့ အလွတ်တန်း  

တနင်္သာရီတိုင်းဒေသကြီး၏  ထားဝယ်ရိုးရာအက

ယှဉ်ပြိုင်ခဲ့ရာမှာ အားရကျေ နပ်မှုရှိခဲ့ပါတယ်။ ကျွန်တော်တို့ ကချင်ဘက်မှာ ကတာကျတော့ အယိမ်းအနွဲ့ဘက်ကို ပိုပြီးသွားပါတယ်။ ထားဝယ်ရိုးရာအကမှာ ကျတော့ ခြေထောက်အကွေး အဆန့်လေးတွေပါပါတယ်။ ကွာခြားမှုပေါ့။ ကျွန်တော့်အဖွဲ့ကို ပညာရေးဒီဂရီကောလိပ်က ကျောင်းသား ကျောင်းသူတွေနဲ့ ဖွဲ့စည်းထားခဲ့ပါတယ်။ ပြည်နယ်အတွက်ရော၊ ကိုယ့်ကျောင်းအတွက်ရော ဂုဏ်ဆောင်နိုင်ဖို့ အများကြီးကြိုးစားခဲ့ပါတယ်။ ဒီလိုတိုင်းရင်း သားအကတွေကိုအလှည့်ကျ ကပြယှဉ်ပြိုင်ရတဲ့အတွက်ကြောင့် တိုင်းရင်းသားအားလုံး ဆုံတွေ့ပြီး ရင်းနှီးခွင့်ရတယ်။ တစ်ဒေသရဲ့ ရိုးရာယဉ်ကျေးမှု အကအလှတွေကို အခြား‌ဒေသက တွေကသိမြင်သွားတယ်။ နားလည်သွားတယ် ကောင်းမွန်တဲ့ ပြိုင်ပွဲတစ်ခုလို့ မြင်ပါတယ်။

မနှင်းထက်ရွှေရည်နှင့်အဖွဲ့

ရန်ကုန်တိုင်းဒေသကြီးကိုယ်စားပြု

အဆင့်မြင့်ပညာ ဆိုင်းအဖွဲ့လိုက်

သမီးတို့အဖွဲ့အနေနဲ့ (၂၄)ကြိမ်၊ (၂၅)ကြိမ်မြောက်တွေမှာ ယှဉ်ပြိုင်ခဲ့ပါတယ်။ နှစ်ကြိမ်လုံးမှာ ရွှေတံဆိပ်ဆု ရရှိခဲ့ပါတယ်။ ဒီနှစ် အတွက်လည်း အကောင်းဆုံး အားထည့်ယှဉ်ပြိုင်သွားမှာ ဖြစ်ပါ တယ်။ လေ့ကျင့်ချိန်ကတော့ အများကြီးမရခဲ့ပါဘူး။ တိုင်းဒေသ ကြီး ကိုယ်စားပြုအနေနဲ့ ယှဉ်ပြိုင် ရတဲ့အတွက် အလွန်ဂုဏ်ယူမိပါ တယ်။ နှစ်တိုင်းလည်း ယှဉ်ပြိုင်သွားမှာဖြစ်ပါတယ်။

မောင်ဟိန်းဇော်(မောင်စွမ်းထက် အောင် (ခ) သက်နိုင်ဦးနှင့်အဖွဲ့)

ကရင်ပြည်နယ်ကိုယ်စားပြု

အဆင့်မြင့်ပညာဆိုင်းအဖွဲ့လိုက်

ကျွန်တော်တို့အဖွဲ့ အနေနဲ့ ပထမဆုံး ဒီကိုလာရောက်ယှဉ် ပြိုင်တာဖြစ်ပါတယ်။ သင်ပြပေးတဲ့ ဆရာရဲ့ကျွမ်းကျင်မှုကြောင့် အချိန် အားဖြင့် တစ်ပတ်လောက်ပဲ လေ့ကျင့်ခဲ့ရပါတယ်။ ပြိုင်ဘက် ကတော့ ရန်ကုန်ဖြစ်မယ်ထင်ပါ တယ်။ ဒီကို လာရောက်ယှဉ်ပြိုင် ရတဲ့အတွက်ပျော်ပါတယ်။

မရွှေနဒီလင်းအောင်

(မမြတ်ဖူးသွယ်ချွန်နှင့်အဖွဲ့)

တနင်္သာရီတိုင်းဒေသကြီးကိုယ်စားပြု

အဆင့်မြင့်ပညာ ဆိုင်းအဖွဲ့လိုက်

သမီးတို့အနေနဲ့ အစွမ်းကုန် လေ့ကျင့်ခဲ့ပါတယ်။ အချိန်ကတော့ လက်ရွေးစင်ရွေးပြီးကတည်းက တစ်လောက်လောက် နေ့တိုင်း လေ့ကျင့်ခဲ့ပါတယ်။ ခုလိုလာပြိုင် ရလို့ ဝမ်းလည်းဝမ်းသာပါတယ်။ ဂုဏ်လည်းယူရပါတယ်။ အတွေ့ အကြုံအသစ်တွေလည်း အများ ကြီး ရရှိခဲ့ပါတယ်။

သတင်းအဖွဲ့