စစ်ကိုင်းတိုင်းဒေသကြီး၊ စစ်ကိုင်းမြို့နယ်၌ စက်သုံးဆီများ တရားမဝင် သယ်ဆောင်လာသူ အမျိုးသား နှစ်ဦးအား ဖမ်းဆီးအရေးယူ

စစ်ကိုင်းတိုင်းဒေသကြီး၊ စစ်ကိုင်းမြို့နယ်၌ စက်သုံးဆီများ တရားမဝင် သယ်ဆောင်လာသူ အမျိုးသား နှစ်ဦးအား ဖမ်းဆီးအရေးယူ

       ၂၀၂၆ ခုနှစ်၊ ဇန်နဝါရီ ၂၁ ရက်က စစ်ကိုင်းတိုင်းဒေသကြီး၊ စစ်ကိုင်းမြို့နယ်၌ စက်သုံးဆီများ တရားမဝင် သယ်ဆောင်လာသူ အမျိုးသား နှစ်ဦးအား ဖမ်းဆီးအရေးယူထားကြောင်း သိရသည်။
     ဖြစ်စဉ်မှာ ဇန်နဝါရီ ၂၁ ရက် ညနေ ၄ နာရီ ၁၀ မိနစ်တွင် စစ်ကိုင်းတိုင်းဒေသကြီး၊ စစ်ကိုင်း မြို့နယ်၊ သောတပန်ရပ်ကွက်ရှိ အောင်မြေဦးဘုန်းတော်ကြီးသင်စာသင်ကျောင်းရှေ့၌ အမှတ်(၁၀၆) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် စစ်ကိုင်းတောင်ရိုးလမ်းအတိုင်း စစ်ကိုင်းမြို့တွင်းမှ ရေခါးကျေးရွာဘက်သို့ ရေခါးကျေးရွာနေ ချစ်ကိုကို(၂၇)နှစ် မောင်းနှင်လာသည့် MDY-15/8C-XXXX I-ZONE LIGHT TRUCK မော်တော်ယာဉ်အား ရပ်တန့်စစ်ဆေးခဲ့ရာ ယာဉ်ပေါ်တွင် တရားမဝင် သယ်ဆောင်လာသည့် 92 ဓာတ်ဆီ ၅ ဂါလန်ခန့်ပါ အဝါရောင်ပလတ်စတစ်ပုံး ၆၅ ပုံး(၁ ဂါလန်လျှင် ၁၀,၀၀၀ ကျပ်နှုန်းဖြင့် စုစုပေါင်း ကာလတန်ဖိုး ၃,၂၅၀,၀၀၀ ကျပ်ခန့်)အား တွေ့ရှိဖမ်းဆီးရမိခဲ့သဖြင့် ချစ်ကိုကို အား (ပ)၁၄/၂၀၂၆ ဖြင့် လည်းကောင်း။
အလားတူ စစ်ကိုင်းမြို့နယ်၊ ထုံးဘိုရပ်ကွက်နေ တရုတ်ကြီး(ခ)ဝင်းကျော်ဦး(၂၉)နှစ် မောင်းနှင်လာသည့် LIFAN အမျိုးအစား သုံးဘီးဆိုင်ကယ်ပေါ်မှ 92 ဓာတ်ဆီ ၅ ဂါလန်ခန့်ပါ အဖြူရောင်ပလတ်စတစ်ပုံး ၂၀ ပုံး၊ ပရီမီယံဒီဇယ်ဆီ ၅ ဂါလန်ခန့်ပါ အဖြူရောင်ပလတ်စတစ်ပုံး ၃၀ ပုံး(၁ ဂါလန်လျှင် ၁၀,၀၀၀ ကျပ်နှုန်းဖြင့် စုစုပေါင်း ကာလတန်ဖိုး ၂၅ သိန်းကျပ်ခန့်)အား တွေ့ရှိဖမ်းဆီးရမိခဲ့သဖြင့် တရုတ်ကြီး(ခ)ဝင်းကျော်ဦး အား (ပ) ၁၅/၂၀၂၆ ဖြင့် လည်းကောင်း စစ်ကိုင်းနယ်မြေရဲစခန်း၌ ရေနံနှင့်ရေနံထွက်ပစ္စည်းဆိုင်ရာဥပဒေပုဒ်မ ၃၇ ဖြင့် အသီးသီးအမှုဖွင့် အရေးယူထားကြောင်း သတင်းရရှိပါသည်။