တနင်္သာရီတိုင်းဒေသကြီး၊ ထားဝယ်မြို့နယ်၊ ဘုမ္မော်ရပ်ကွက်၊ ဂန္ဓမာလမ်းတွင် နေအိမ်မီးလောင်မှု

တနင်္သာရီတိုင်းဒေသကြီး၊ ထားဝယ်မြို့နယ်၊ ဘုမ္မော်ရပ်ကွက်၊ ဂန္ဓမာလမ်းတွင် နေအိမ်မီးလောင်မှု

     ၂၀၂၆ ခုနှစ်၊ ဇန်နဝါရီ ၂၄ ရက် မွန်းလွဲ ၂ နာရီ ၅၀ မိနစ်ခန့်က တနင်္သာရီတိုင်းဒေသကြီး၊ ထားဝယ်မြို့နယ်၊ ဘုမ္မော်ရပ်ကွက်၊ ဂန္ဓမာလမ်း၊ အိမ်အမှတ် ၃၅၈/က၊ ပိုင်ရှင် ဦးကျော်မင်းဟန်၏ နေအိမ်တွင် အိမ်ငှား ဒေါ်မီမီအောင်(၄၃)နှစ် ငှားရမ်းနေထိုင်သော ၁၀ x ၄၀ ပေ ပျဉ်ထောင်၊ ပျဉ်ခင်း၊ ဓနိမိုး၊ ထရံကာ ခြေတံရှည် တစ်ထပ်နေအိမ်တွင် ထင်းမီးဖို မီးကြွင်းမီးကျန်မှတစ်ဆင့် မီးစတင် လောင်ကျွမ်းမှုဖြစ်ပွားကြောင်း သတင်းရရှိသဖြင့် ထားဝယ်မြို့နယ်၊ ဆင်ဆိပ်နယ်မြေမီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ရှစ်စီးဖြင့် သွားရောက်ငြှိမ်းသတ်ခဲ့ရာ မွန်းလွဲ ၃ နာရီ ၀၅ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် ၁၀ x ၄၀ ပေ ပျဉ်ထောင်၊ ပျဉ်ခင်း၊ ဓနိမိုး၊ ထရံကာ ခြေတံရှည် တစ်ထပ်နေအိမ် တစ်လုံး၊ ၂၀ x ၄၀ ပေ RC နှစ်ထပ်နေအိမ် တစ်လုံး၊ ၁၅ x ၄၀ ပေ ပျဉ်ထောင်၊ ပျဉ်ခင်း၊ ပျဉ်ကာ၊ သွပ်မိုး နှစ်ထပ်နေအိမ် ငါးလုံး၊ စုစုပေါင်း နေအိမ် ခုနစ်လုံး မီးလောင်ဆုံးရှုံးခဲ့ကြောင်းနှင့် အိမ်ငှား ဒေါ်မီမီအောင် အား ထားဝယ်မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။