ပဲခူးတိုင်းဒေသကြီး၊ ပဲခူးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ တစ်ဦး ဒဏ်ရာရရှိ

ပဲခူးတိုင်းဒေသကြီး၊ ပဲခူးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ တစ်ဦး ဒဏ်ရာရရှိ

     ၂၀၂၆ ခုနှစ်၊ ဧပြီ ၁၆ ရက်က ပဲခူးတိုင်းဒေသကြီး၊ ပဲခူးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ တစ်ဦး ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဧပြီ ၁၆ ရက် နံနက် ၁၁ နာရီ ၂၀ မိနစ်တွင် ပဲခူးမြို့၊ လိပ်ပြာကန်ရပ်ကွက်၊ ပဲခူး-သနပ်ပင်ကားလမ်း နာရီစင်အနီး၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၁၁) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ မဟာမြိုင်မှ ဟင်္သာကုန်းဘက်သို့ ဟင်္သာကုန်းရပ်ကွက်နေ ဦးဇော်ဖြူ(၄၅)နှစ် မောင်းနှင်ပြီး ဗိုလ်ကုန်းရပ်ကွက်နေ ဦးအောင်ကိုဦး(၃၉)နှစ် လိုက်ပါလာသော BGO-58/XXXXX HONDA CLICK ဆိုင်ကယ်သည် အခင်းဖြစ်နေရာအရောက် အရှိန်မထိန်းနိုင်ဘဲ လမ်းဘေးရှိအုတ်ခုံအား ဝင်ရောက်တိုက်မိခဲ့သဖြင့် ဇော်ဖြူတွင် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး အောင်ကိုဦးတွင် ဒဏ်ရာများရရှိခဲ့သောကြောင့် ဇော်ဖြူ အား ပဲခူးမြို့မရဲစခန်း ယာဉ်(ပ)၇/၂၀၂၆၊ ရာဇသတ်ကြီးပုဒ်မ ၃၀၄-က/၃၃၈/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။