ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၌ ပုံဝိုင်းလောင်းကစားပြုလုပ်သူ အမျိုးသား နှစ်ဦးနှင့် အမျိုးသမီး ခုနစ်ဦးတို့အား ဖမ်းဆီးအရေးယူ

ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၌ ပုံဝိုင်းလောင်းကစားပြုလုပ်သူ အမျိုးသား နှစ်ဦးနှင့် အမျိုးသမီး ခုနစ်ဦးတို့အား ဖမ်းဆီးအရေးယူ

   ၂၀၂၅ ခုနှစ်၊ နိုဝင်ဘာ ၁၀ ရက်က ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၌ ပုံဝိုင်းလောင်းကစားပြုလုပ်သူ အမျိုးသား နှစ်ဦးနှင့် အမျိုးသမီး ခုနစ်ဦးတို့အား ဖမ်းဆီးအရေးယူ ထားကြောင်း သိရသည်။

   ဖြစ်စဉ်မှာ နိုဝင်ဘာလ ၁၀ ရက်နေ့ မွန်းလွဲ ၁၂ နာရီ ၃၅ မိနစ်တွင် ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့နယ်၊ နယ်မြေ(၄)၊ ဘောဂဝတီရပ်ကွက်တွင် မင်းသား၊ မင်းသမီးရုပ်ပုံများဖြင့် လောင်းကစားပြုလုပ်နေကြောင်း သတင်းအရ နေပြည်တော်ရဲတပ်ဖွဲ့မှ တပ်ဖွဲ့ဝင်များက သွားရောက် စစ်ဆေးခဲ့ရာ ဘောဂဝတီရပ်ကွက်နေသူများဖြစ်သည့် ခင်စန်းဝင်း (၅၁)နှစ်၊ ဥမ္မာ(၅၀)နှစ်နှင့် ရွာကောက်ရပ်ကွက်နေသူများဖြစ်သည့် သိန်းတန်(၅၈)နှစ်၊ ခိုင်နှင်းဝေ (၂၅)နှစ်တို့ လေးဦးအား ပုံဝိုင်းလောင်းကစား ပြုလုပ်ရာတွင် အသုံးပြုသည့် ဆက်စပ်ပစ္စည်းများ၊ လောင်းကြေးငွေများနှင့်အတူ တွေ့ရှိဖမ်းဆီးရမိခဲ့သဖြင့် ရွာကောက်နယ်မြေရဲစခန်း (ပ)၉၆/၂၀၂၅၊ လောင်းကစားဥပဒေပုဒ်မ ၁၅(က)ဖြင့် လည်းကောင်း။

   အလားတူ မွန်းလွဲ ၁၂ နာရီ ၄၅ မိနစ်တွင် ပျဉ်းမနားမြို့နယ်၊ နယ်မြေ(၄)၊ ဘောဂဝတီရပ်ကွက်တွင် မင်းသား၊ မင်းသမီးရုပ်ပုံများဖြင့် လောင်းကစားပြုလုပ်နေကြောင်း သတင်းအရ နေပြည်တော်ရဲတပ်ဖွဲ့မှ တပ်ဖွဲ့ဝင်များက သွားရောက်စစ်ဆေးခဲ့ရာ မြောက်လွှတ်ကုန်းကျေးရွာနေသူများဖြစ်သည့် နေမျိုးထိုက်(ခ)စနေ(၃၅)နှစ်၊ ဇာဇာဝင်းပြည့်(၃၃)နှစ်၊ သဲကျွန်းကျေးရွာနေ အေးအေးသွယ်(၃၇)နှစ်၊ ရွာကောက်ရပ်ကွက်နေ နွယ်နီစန်း(၅၆)နှစ်နှင့် ဥယျာဉ်စုရပ်ကွက်နေ သန္တာဝင်း(၄၃)နှစ်တို့ ငါးဦးအား ပုံဝိုင်းလောင်းကစား ပြုလုပ်ရာတွင် အသုံးပြုသည့် ဆက်စပ်ပစ္စည်းများ၊ လောင်းကြေးငွေများနှင့်အတူ တွေ့ရှိဖမ်းဆီးရမိခဲ့သဖြင့် ရွာကောက်နယ်မြေရဲစခန်း (ပ)၉၇/၂၀၂၅၊ လောင်းကစားဥပဒေပုဒ်မ ၁၅(က)ဖြင့် လည်းကောင်း အသီးသီးအမှုဖွင့်အရေးယူ ထားကြောင်း သတင်းရရှိပါသည်။