မန္တလေးတိုင်းဒေသကြီး၊ ပြင်ဦးလွင်မြို့နယ်၌ လျှပ်စစ်မီးကြိုးများ ဖြတ်တောက်ခိုးယူသူ အမျိုးသား တစ်ဦးအား ဖမ်းဆီးအရေးယူ

မန္တလေးတိုင်းဒေသကြီး၊ ပြင်ဦးလွင်မြို့နယ်၌ လျှပ်စစ်မီးကြိုးများ ဖြတ်တောက်ခိုးယူသူ အမျိုးသား တစ်ဦးအား ဖမ်းဆီးအရေးယူ

     ၂၀၂၅ ခုနှစ်၊ ဒီဇင်ဘာ ၂၈ ရက်က မန္တလေးတိုင်းဒေသကြီး၊ ပြင်ဦးလွင်မြို့နယ်၌ လျှပ်စစ် မီးကြိုးများ ဖြတ်တောက်ခိုးယူသူ အမျိုးသား တစ်ဦးအား ဖမ်းဆီးအရေးယူထားကြောင်း သိရသည်။
     ဖြစ်စဉ်မှာ ဒီဇင်ဘာ ၂၈ ရက် မွန်းလွဲ ၁ နာရီတွင် မန္တလေးတိုင်းဒသကြီး၊ ပြင်ဦးလွင်မြို့နယ်၊ ယုဇနမြိုင်ဧည့်ရိပ်သာ၌ အမျိုးသား တစ်ဦး လျှပ်စစ်မီးကြိုးများ ဖြတ်တောက်ခိုးယူနေကြောင်း သတင်းအရ ပြင်ဦးလွင်မြို့မရဲစခန်းမှ တပ်ဖွဲ့ဝင်များက သွားရောက်ဖမ်းဆီးခဲ့ရာ ရပ်ကွက်ကြီး(၅)နေ ကျော်ဇင်သန့်(၃၄)နှစ်အား 50W/XXXX နံပါတ်ပါ YAMASUKI အနက်ရောင် ဆိုင်ကယ် တစ်စီး၊ ယုဇနမြိုင်ဧည့်ရိပ်သာအနီးတွင် သွယ်တန်းထားသော မြို့နယ်လျှပ်စစ်ဦးစီးဌာနပိုင် မီးကြိုးများ ဖြတ်တောက်ခိုးယူထားသည့် လျှပ်စစ်ကြေးကြိုး ၁၃၀ ပေခန့်၊ တန်ဖိုး ၂၂၁,၅၂၀၀ ကျပ်တို့နှင့်အတူ တွေ့ရှိဖမ်းဆီးရမိခဲ့သဖြင့် ကျော်ဇင်သန့် အား ပြင်ဦးလွင်မြို့မရဲစခန်း(ပ)၂၇၁/၂၀၂၅၊ ပြည်သူပိုင်ပစ္စည်း ကာကွယ်ရေးအက်ဥပဒေ ပုဒ်မ ၆(၁) ဖြင့် အမှုဖွင့်အရေးယူထားကြောင်း သတင်းရရှိသည်။